తెల్లపాపపై రుసరుసలాడుతున్న బ్లాక్ బ్యూటీ

Posted: 05/27/2015 01:11 PM IST

బాలీవుడ్ బ్లాక్ బ్యూటీ, హాట్ హీరోయిన్ బిపాసా బసు... తెల్లపాప అమీ జాక్సన్ పై గరంగరంగా వున్నట్లుగా తెలుస్తోంది. అంతే బాలీవుడ్ కు వచ్చిన సౌతిండియా భామలందిరిపై కాదులెండి. ఈ అమ్మడితో పోటీ పడే భామలపైనే బిపాసా గరం గరంగా మండిపడుతోందట. ఇంతకీ వారెవరనుకుంటున్నారా? మొన్నటి వరకు తమన్నా వుంటే ఇపుడు అమీ జాక్సన్ పై బిపాసా మండిపడుతోందట.

ముందు తమన్నా విషయం ఏమిటంటే... తమన్నా, బిపాసాలు కలిసి నటించిన ‘హమ్ షకల్స్’ చిత్రం షూటింగ్ సమయంలో తనకు సరైన ప్రాధాన్యత ఇవ్వలేదని బిపాసా అప్పట్లో తెగ మండిపడింది. తమన్నాను స్పెషల్ గా చూస్తూ, ఆమెకు బాగా సేవలు చేసాడని, తనను పట్టించుకోలేదంటూ అప్పట్లో బిపాసా రచ్చ రచ్చ చేసింది. ఆ సినిమా సమయంలో తమన్నాపై బిపాసా చాలా ఆగ్రహం వ్యక్తం చేసింది.

అయితే ప్రస్తుత విషయం ఏమిటంటే... ప్రభుదేవా దర్శకత్వంలో అక్షయ్ కుమార్ హీరోగా తెరకెక్కుతున్న తాజా చిత్రం ‘సింగ్ ఈజ్ బ్లింగ్’. ఇందులో అక్షయ్ కుమార్ సరసన బిపాసా బసు, అమీ జాక్సన్ లు హీరోయిన్లుగా నటిస్తున్నారు. అయితే తాజాగా ఈ చిత్ర ఫస్ట్ లుక్ ను విడుదల చేసారు ప్రభుదేవా.

ఇందులో అక్షయ్, అమీ జాక్సన్ లు మాత్రమే వున్నారు. బిపాసాకు సంబంధించిన స్టిల్ లేదు. దీంతో బిపాసా చాలా ఆగ్రహం వ్యక్తం చేస్తోంది. సీనియర్ హీరోయిన్ అయిన తన ఫోటో విడుదల చేయకుండా అమీ జాక్సన్ ఫోటో విడుదల చేయడంతో... అమీ జాక్సన్ పై బిపాసా కారాలుమిరియాలు నూరుతూ, రుసరుసలాడుతోందట. దీంతో బిపాసాను కూల్ చేయడానికి త్వరలోనే బిపాసాకు సంబంధించిన ఫస్ట్ లుక్ ను కూడా విడుదల చేయడానికి సన్నాహాలు చేస్తున్నాడట. మరి ఈ సినిమా విడుదలయ్యే వరకు ఇంకెన్ని రుసరుసలు జరుగనున్నాయో త్వరలోనే తెలియనుంది.