‘శ్రీమంతుడు’తో అఖిల్ సెకండ్ ఎంట్రీ?

Posted: 09/03/2015 05:39 PM IST

అక్కినేని అఖిల్ హీరోగా ప్రముఖ దర్శకుడు వి.వి.వినాయక్ దర్శకత్వంలో ‘అఖిల్’ చిత్రం తెరకెక్కుతున్న విషయం తెలిసిందే. ఇటీవలే ఈ చిత్ర ఫస్ట్ లుక్ పోస్టర్లు విడుదలై మంచి టాక్ ను సొంతం చేసుకున్నాయి. అలాగే ఇప్పటికే విడుదలైన పలు మేకింగ్ వీడియోలకు కూడా మంచి రెస్పాన్స్ వచ్చింది.

అయితే అఖిల్ కు భారీ క్రేజ్ వున్న విషయం తెలిసిందే. ఈ క్రేజ్ వల్ల అఖిల్ కు వరుస అవకాశాలు వచ్చిపడుతున్నాయి. ప్రస్తుతం అఖిల్ నటిస్తున్న ‘అఖిల్’ సినిమాకు సంబంధించిన ట్రైలర్ విడుదల కాకముందే.. అఖిల్ రెండవ సినిమా విషయంలో కూడా నాగ్ పలు జాగ్రత్తలు తీసుకుంటున్నట్లుగా తెలిసింది.

ఇప్పటికే ‘మిర్చి’, ‘శ్రీమంతుడు’ చిత్రాలతో వరుస బాక్సాఫీస్ హిట్ లను సొంతం చేసుకున్న దర్శకుడు కొరటాల శివ దర్శకత్వంలో అఖిల్ రెండవ చిత్రాన్ని నాగార్జున ప్లాన్ చేస్తున్నట్లుగా తెలిసింది. కొరటాల శివతో ప్రస్తుతం నాగార్జున చర్చలు జరుపుతున్నట్లుగా తెలిసింది.

అయితే అఖిల్ రెండవ సినిమాకు ఎవరైనా దర్శకులైన పర్వాలేదు కానీ.. ఆ సినిమాను నిర్మించే అవకాశం కోసం ప్రముఖ నిర్మాత బండ్ల గణేష్ మాత్రం తెగ ప్రయత్నిస్తున్నట్లుగా సమాచారం. మరి ఈ విషయంపై త్వరలోనే ఓ అధికారిక ప్రకటన విడుదల కానుంది.

‘అఖిల్’ చిత్రాన్ని అన్నపూర్ణ స్టూడియోస్ సమర్పణలో శ్రేష్ట్ మూవీస్ బ్యానర్ పై హీరో నితిన్ భారీ బడ్జెట్ తో నిర్మిస్తున్నాడు. సయేశా సైగల్ హీరోయిన్. అనూప్, థమన్ సంగీతం అందిస్తున్నారు. త్వరలోనే ఈ చిత్రం ప్రేక్షకుల ముందుకు రానుంది.