భలే మగాడిని రీమేక్ చేయడానికి ప్రయత్నాలు

Posted: 09/14/2015 04:17 PM IST

నాని, లావణ్య త్రిపాఠీ జంటగా నటించిన ‘భలే భలే మగాడివోయ్’ చిత్రం ఇటీవలే విడుదలై భారీ బ్లాక్ బస్టర్ హిట్టయ్యింది. సెప్టెంబర్ 4న విడుదలైన ఈ చిత్రం ప్రపంచ వ్యాప్తంగా విడుదలై అన్నిచోట్ల పాజిటివ్ టాక్ తో కలెక్షన్ల వర్షం కురిపిస్తుంది.

లవ్, కామెడీ ఎంటర్ టైనర్ గా రూపొందిన ఈ చిత్రం కుటుంబసమేతంగా చూడదగ్గ తరహాలో వుండటంతో ‘భలే భలే మగాడివోయ్’ చిత్రానికి భారీ రెస్పాన్స్ వస్తోంది. ఓవర్సీస్ లో భారీ రెస్పాన్స్ వస్తోంది. నార్మల్ బడ్జెట్ సినిమాల జాబితాలో 1 మిలియన్ సాధించిన ఈ చిత్రం కొత్త రికార్డులు సృష్టించేస్తోంది.

దీంతో ఈ సినిమాను ఇతర భాషల్లో రీమేక్ చేయడానికి ఆయా సినీ ఇండస్ట్రీల దర్శక,నిర్మాతలు తెగ పోటీపడుతున్నారు. ఎలాంటి వల్గారిటీ లేకుండా పూర్తిస్థాయి కుటుంబ కథాచిత్రంగా కామెడీ ఎంటర్ టైనర్ గా రూపొందిన ఈ సినిమాకు భారీ క్రేజ్ ఏర్పడింది.

కానీ ‘భలే భలే మగాడివోయ్’ సినిమా నిర్మాతలు మాత్రం హిందీ, తమిళంలో కూడా తామే రీమేక్ చేయడానికి సిద్ధంగా వున్నట్లుగా తెలిసింది. మరి త్వరలోనే ఈ సినిమాకు సంబంధించిన అన్ని వివరాలు అధికారికంగా తెలియనున్నాయి.