వాయిదా పడ్డ వరుణ్ 'కంచె' విడుదల

Posted: 09/23/2015 10:27 AM IST

Varun tej kanche movie release date postponed

వరుణ్ తేజ్, ప్రగ్యా జైస్వాల్ జంటగా నటిస్తోన్న చిత్రం 'కంచె '. ‘గమ్యం’, ‘వేదం’, ‘కృష్ణం వందే జగద్గురుమ్’ వంటి విలక్షణ చిత్రాలతో దర్శకుడిగా మంచి పేరును సొంతం చేసుకున్న దర్శకుడు క్రిష్ జాగర్లమూడి దర్శకత్వంలో ఫస్ట్ ఫ్రేమ్ ఎంటర్ టైన్ మెంట్ బ్యానర్ పై రాజీవ్ రెడ్డి, సాయిబాబు నిర్మాతలుగా ఈ ‘కంచె’ చిత్రం ప్రతిష్టాత్మంగా రూపొందుతోంది.

ఇటివలే విడుదలైన ఈ చిత్ర ఆడియోకు మంచి రెస్పాన్స్ వస్తుంది. అయితే ఈ చిత్రాన్ని అక్టోబర్ 2వ తేదీన గాంధీ జయంతి సందర్భంగా విడుదల చేయాలని అనుకున్నారు. కానీ తాజాగా ఈ చిత్ర విడుదలను వాయిదా వేసారు. ఈ చిత్రాన్ని నవంబర్ 6వ తేదిన విడుదల చేయడానికి సన్నాహాలు చేస్తున్నారు.

కంచె అనేది ఊళ్ళ మధ్యన, దేశాల మధ్యనే కాదు. మనుషుల మధ్యన, కుటుంబాల మధ్యన కూడా ఉండొచ్చునని దర్శకుడు క్రిష్ తెలిజేశారు. 1940 నేపథ్యంలో సాగే ఈ కథ ను మానవీయ విలువలతో దర్శకుడు క్రిష్ పూర్తి కమర్షియల్ హంగులతో, తన మార్కు విలువలను జోడిస్తూ తెరకెక్కించారు.

నికితన్ ధీర్, అవసరాల శ్రీనివాస్, గొల్లపూడి, షావుకారు జానకి, సింగీతం శ్రీనివాస్,పోసాని కృష్ణమురళి, సత్యం రాజేష్, అనూప్ పూరి, మెరీనా టారా ఇతర తారాగణంగా నటిస్తోన్నఈ చిత్రానికి కొరియోగ్రఫీ: బృంద, స్టంట్స్: వెంకట్, డేవిడ్ కుబువా, ఎడిటర్స్: సూరజ్ జగ్ తాప్, రామకృష్ణ అర్రమ్, ఆర్ట్: సాహి సురేష్, డైలాగ్స్: సాయి మాధవ్ బుర్రా,సాహిత్యం: సీతారామశాస్త్రి, డైరెక్టర్ ఆఫ్ ఫోటోగ్రఫీ: జ్ఞాన‌శేఖ‌ర్‌, మ్యూజిక్: చిరంతన్ భట్ ,నిర్మాతలు: వై.రాజీవ్ రెడ్డి, జె.సాయిబాబు, దర్శకత్వం: క్రిష్.