‘బాహుబలి2’ తర్వాత ప్రభాస్ నెక్ట్స్ అతనితోనే..?

Posted: 10/29/2015 04:55 PM IST

యంగ్ రెబల్ స్టార్ ప్రభాస్ హీరోగా యువ దర్శకుడు సుజిత్ దర్శకత్వంలో ఓ చిత్రం తెరకెక్కనున్న విషయం తెలిసిందే. ‘రన్ రాజా రన్’ సినిమాతో దర్శకుడిగా తొలి విజయాన్ని సొంతం చేసుకున్న సుజిత్.. ఆ తర్వాత ప్రభాస్ కోసం ఓ స్టోరీని సిద్ధం చేసాడు. ప్రభాస్ కూడా ఆ స్టోరీ నచ్చి గ్రీన్ సిగ్నల్ ఇవ్వడంతో ప్రీ ప్రొడక్షన్ కార్యక్రమాలను పూర్తి చేసి పనిలో పడ్డాడు సుజిత్.

అయితే ‘బాహుబలి’ సినిమా షూటింగ్ సమయంలోనే ఖరారయిన ఈ ప్రాజెక్టు మాత్రం ‘బాహుబలి2’ తర్వాతనే సెట్స్ పైకి వెళ్లనుంది. ప్రభాస్ తో ‘మిర్చి’ వంటి బ్లాక్ బస్టర్ హిట్ చిత్రాన్ని తెరకెక్కించిన UV క్రియేషన్స్ నిర్మాతలు వంశీ, ప్రమోద్ లు ఈ చిత్రాన్ని నిర్మించనున్నారు.

అయితే ప్రస్తుతం ‘బాహుబలి2’ సినిమా షూటింగ్ లో పాల్గొనడానికి ప్రభాస్ సిద్ధమవుతున్నాడు. త్వరలోనే ఈ ప్రాజెక్టు సెట్స్ పైకి వెళ్లనుంది. ‘బాహుబలి2’ చిత్ర షూటింగ్ వచ్చే ఏడాది మే నెల చివర్లో పూర్తి కానుంది. ఈ సినిమా తర్వాత ప్రభాస్-సుజిత్ ల సినిమా జులై 2016లో సెట్స్ పైకి వెళ్లనుంది. త్వరలోనే ఈ ప్రాజెక్టు సంబంధించిన అన్ని వివరాలు అధికారికంగా ప్రకటించనున్నారు.