‘డిక్టేటర్’ నుంచి బ్రహ్మీ తప్పుకున్నాడా లేక తీసేసారా?

Posted: 11/05/2015 03:46 PM IST

ఈ మధ్య ప్రతి పెద్ద సినిమాలలో కూడా కమెడియన్ బ్రహ్మానందం ఖచ్చితంగా ఏదో ఒక పాత్రలో కనిపిస్తూనే వున్నాడు. బ్రహ్మీ యాక్టింగ్, కామెడీలో ఏ మాత్రం లేకపోయినప్పటికీ.. ఒకవేళ సినిమా విజయం సాధిస్తే అది బ్రహ్మీ క్రెడిట్ గా నమోదు అవుతోంది. అందువల్ల ఈ మధ్య బ్రహ్మీని చాలా మంది దర్శకులు, హీరోలు వారి వారి సినిమాలలో వుండకుండా జాగ్రత్తలు తీసుకుంటున్నారు.

కానీ వచ్చిన ఓ భారీ ఆఫర్ ను బ్రహ్మీ తిరస్కరించి, ఆ ప్రాజెక్టు నుంచి తప్పుకున్నాడట. ఇంతకీ ఆ సినిమా ఏంటంటే... నందమూరి బాలకృష్ణ హీరోగా శ్రీవాస్ దర్శకత్వంలో తెరకెక్కుతున్న తాజా చిత్రం ‘డిక్టేటర్’. ఈ సినిమా కోసం ఐదుగురు రచయితలు పనిచేస్తున్నారు. ఇందులో బ్రహ్మానందం కోసం ఓ విభిన్న క్యారెక్టర్ ను డిజైన్ చేసారట. కానీ బ్రహ్మీ మాత్రం ఈ ప్రాజెక్ట్ నుంచి తప్పుకున్నట్లుగా తెలిసింది.

ప్రస్తుతం వరుస చిత్రాలతో బిజీగా వుండటం వల్ల డేట్స్ సర్దుబాటు చేయడం కుదరక బ్రహ్మీ ఈ సినిమా నుంచి తప్పుకున్నాడని తెలుస్తోంది. మరి బ్రహ్మీ కావాలనే ఈ సినిమా నుంచి తప్పుకున్నాడో లేక బ్రహ్మీని వద్దనుకుని చిత్ర యూనిట్ తీసేసారో అంటూ గుసగుసలు వినిపిస్తున్నాయి.

అసలే బ్రహ్మీని ఈ మధ్య చాలా మంది స్టార్ హీరోలు, దర్శకులు పక్కనపెట్టేసారని వార్తలొస్తున్నాయి. తమ సినిమాలు హిట్టవడానికి కారణం బ్రహ్మీయే అంటూ టాక్ వినిపిస్తుండటంతో బ్రహ్మీకి చాలా ఆఫర్లు తగ్గిపోయినట్లుగా సమాచారం. మరి ఈ విషయంపై బ్రహ్మీ ఎలా స్పందిస్తాడో చూడాలి.