పారిస్ ఎటాక్ వల్ల దేవి మ్యూజికల్ నైట్ వాయిదా?

Posted: 11/14/2015 01:37 PM IST

సౌత్ ఇండియన్ రాకింగ్ మ్యూజిక్ డైరెక్టర్ దేవిశ్రీప్రసాద్ ఈరోజు సాయంత్రం హైదరాబాద్ లోని నిజాంపేట్ లో వున్న శ్రీ చైతన్య కాలేజ్ లో మ్యూజికల్ నైట్ చేయనున్నాడు. ఈ కార్యక్రమంలో దేవి సంగీతం అందించిన తాజా చిత్రం ‘కుమారి 21ఎఫ్’ సినిమాకు సంబంధించిన ప్లాటినం డిస్క్ వేడుకను కూడా నిర్వహించాలని భావించారు.

కానీ పారిస్ లో టెర్రరిస్టులు ఘోరంగా దాడి చేసిన విషయం తెలిసిందే. ప్రపంచమంతా విషాదంలో వుంటే ఇలా మ్యూజికల్ నైట్ చేసుకోవడం సరైనది కాదని దేవి అభిప్రాయపడుతున్నారట. అందుకే ఈ వేడుకను వాయిదా వేసినట్లుగా తెలిసింది. కానీ అధికారికంగా ఇంకా ఎలాంటి ప్రకటన విడుదల చేయలేదు. మరి ఏం జరుగనుందో మరికొద్ది గంటల్లో తెలియనుంది.

దేవి సంగీతం అందించిన ‘కుమారి 21 ఎఫ్’ చిత్రం ప్రస్తుతం విడుదలకు సిద్ధమవుతోంది. అలాగే ఎన్టీఆర్ హీరోగా నటిస్తున్న ‘నాన్నకు ప్రేమతో’ చిత్రం ఆడియో కూడా వచ్చే నెల చివర్లో విడుదల కానుంది.