ఆ ప్రేమలో పడితే తిప్పలు తప్పవా?

Posted: 05/14/2016 02:58 PM IST

బాలీవుడ్ జంట మలైకా అరోరా-అర్భాజ్ ఖాన్ (సల్మాన్ ఖాన్ సోదరుడు) లు విడిపోయిన విషయం తెలిసిందే. వీరిద్దరి మధ్య మనస్పర్థలు వచ్చి విడిపోయారని, అర్భాజ్ ఖాన్ తో మళ్లీ కలవడానికి మలైకా అరోరా ఇష్టపడట్లేదని గతకొద్ది రోజులుగా వార్తలొస్తున్నాయి. అయితే అర్భాజ్ ఖాన్ తో విడిపోయాక బాలీవుడ్ యువ నటుడు అర్జున్ కపూర్ తో మలైకా అరోరా రహస్య రొమాన్స్ చేస్తుందంటూ రకరకాలు పుకార్లు వినిపిస్తున్నాయి.

ఈ మధ్య అర్జున్ కపూర్- మలైకాలు అర్థరాత్రి సమయంలో రహస్యంగా కలిసి, కాసేపు గడిపారని వార్తలొచ్చాయి. అయితే ఈ విషయంపై ఇరువురూ స్పందించకపోవడంతో ఈ వార్తలు నిజమేనని బాలీవుడ్ జనాలు నమ్ముతున్నారు. ఇదిలా వుంటే అర్జున్ కపూర్ వల్ల అతని తండ్రి బోనీకపూర్ తెగ టెన్షన్ పడుతున్నాడట. ఈ విషయంపై అర్జున్ కపూర్ కు బోనీ కపూర్ తీవ్రస్థాయిలో వార్నింగ్ కూడా ఇచ్చాడని తెలిసింది.

ఇంతకీ బోనీకపూర్ వచ్చిన టెన్షన్ ఏంటంటే... మలైకా అరోరాతో కలిసి రహస్య ప్రేమాయణం కొనసాగిస్తున్నాడని రుజువైతే... భవిష్యత్తులో అర్జున్ కపూర్ కెరీర్ కు సల్మాన్ ఖాన్ నుంచి ఇబ్బందులు తప్పవని... అందుకే మరోసారి మలైకాతో తిరగవద్దంటూ అర్జున్ కపూర్ కు బోనీ కపూర్ గట్టిగా వార్నింగ్ ఇచ్చాడని తెలిసింది. తండ్రి మాటలను సీరియస్ గా తీసుకున్న అర్జున్ కపూర్... ఈమధ్య మలైకాను కలిసేందుకు ప్రయత్నించడం లేదని బాలీవుడ్ సినీవర్గాల సమాచారం. మరి ఏం జరుగనుందో చూడాలి.