ఈ అమ్మడి స్పీడుకు 100 కోట్లు?

Posted: 05/26/2016 03:49 PM IST

బాలీవుడ్ స్టార్ హీరోయిన్ ప్రియాంక చోప్రా రోజురోజుకి భారీ క్రేజ్ ను సొంతం చేసుకుంటోంది. హిందీలో ఈ అమ్మడు నటిస్తున్న సినిమాలు వరుసగా విజయం సాధించడం, అలాగే హాలీవుడ్ టీవి సీరియల్ లో నటించడం.. ఇలా ప్రియాంక చోప్రా ప్రపంచ వ్యాప్తంగా భారీ క్రేజ్ ను సొంతం చేసుకుంది. దీంతో ఈ అమ్మడికి వరుసగా ఆఫర్లు వచ్చిపడుతున్నాయి.

ప్రస్తుతం ‘బేవాచ్’ సినిమా తదుపరి షెడ్యూల్ కోసం 40 రోజుల విరామం దొరకడంతో ఇండియాకు వస్తోంది ప్రియాంక. ఈ 40 రోజులు ఖాళీగా వుండకుండా ప్రియాంక దాదాపు 100 కోట్లు వెనకేసుకోనుందని సమాచారం. ఈ నలభై రోజులు పలు ప్రముఖ వాణజ్య సంస్థల ప్రకటనల్లో నటించేందుకు ప్రియాంక ఒప్పుకుందట. అందుకు అక్షరాల 100 కోట్లు దాకా ఒప్పందం కుదుర్చుకున్నట్లుగా తెలిసింది.

ఒకవేళ ఇదే నిజమైతే కేవలం 40 రోజుల్లోనే 100కోట్ల రెమ్యునరేషన్ సంపాదించిన బాలీవుడ్ సెలబ్రెటీగా ప్రియాంక సరికొత్త రికార్డును క్రియేట్ చేయడం ఖాయమని సినీవర్గాలు అంటున్నాయి. ప్రస్తుతం హాలీవుడ్ సినిమా, సిరియల్స్ షూటింగ్ లతో బిజీగా వున్న ఈ అమ్మడికి బాలీవుడ్ నుంచి మరిన్ని ఆఫర్లు వస్తున్నాయట. కానీ ఇప్పటికే పలు సినిమాలతో బిజీగా వుండటం వల్ల బాలీవుడ్ సినిమాలను సైతం అంగీకరించలేదట. మరి ఈ అమ్మడికి హాలీవుడ్ లో భారీ క్రేజ్ వస్తే బాలీవుడ్ నుంచి హాలీవుడ్ కు మకాం మార్చేసిన కూడా ఆశ్చర్యపోనవసరం లేదు.