ఆ మలయాళం మూవీ ఏంటబ్బా...!

Posted: 06/01/2016 12:50 PM IST

Akkineni akhil and koratala siva combination movie coming soon

అఖిల్ సినిమా ఫ్లాప్ తర్వాత అక్కినేని అఖిల్ తన తర్వాత సినిమాకి ఆచితూచి అడుగులు వేస్తున్నాడు. మొన్నటిదాకా వంశీపైడిపల్లి దర్శకత్వంలో ఒక హిందీ సినిమాని రీమేక్ చేస్తున్నట్లుగా వార్తలు వినిపించాయి. అయితే, ఇప్పుడు తాజాగా అకిల్ మాత్రం తన రెండో సినిమాకి ఛాన్స్ తీసుకోదలచుకోలేదట. అందుకే, డైరెక్టర్ ని మార్చినట్లుగా టాక్ వినిపిస్తోంది. ఇంతకీ ఆ డైరెక్టర్ ఎవరా అని ఆరాతీస్తే, ప్రస్తుతం 'జనతాగ్యారేజ్' షూటింగ్ లో బిజీగా ఉన్న కొరటాల శివ అని చెప్తున్నారు.

ఇంతకు ముందే అఖిల్ కి ఒక మలయాళం సినిమా స్టోరీ లైన్ ని చెప్పాడట కొరటాల శివ. ఆ సినిమా చూసిన అఖిల్ ఇప్పుడు దానిని రీమేక్ చేసేందుకు రెడీగా ఉన్నాడట. ఇటీవలే జరిగిన 24 సినిమా ఆడియో ఫంక్షన్ లో వీళ్లిద్దరూ కలిసి ఇదే విషయాన్నిమాట్లాడుకున్నారట.

ఇప్పుడు అదే కథను అఖిల్ సిద్ధం చేయమన్నట్లుగా చెప్తున్నారు అందరూ. దీనిని బట్టి చూస్తే పిల్లోడు మంచి ప్లాన్ లో ఉన్నట్లుగా తెలుస్తోంది. అసలే అఖిల్ సినిమా దెబ్బతో బాగా చితికిపోయి ఉన్నాడు కాబట్టి మంచి కమర్షియల్ డైరెక్టర్ ని నమ్ముకుంటే మంచిదన్నట్లుగా చూస్తున్నాడట.

అయితే, వీళ్లిద్దరి కాంబినేషన్ లో సినిమా ఓకే అయితే దీనిని డివివి దానయ్య నిర్మించే అవకాశాలే కనిపిస్తున్నాయి. ఇంతకీ ఆ మలయాళం సినిమా ఏంటి అన్నది మాత్రం ప్రస్తుతం ఎవ్వరికీ తెలియదట. ఖచ్చితంగా అది దాల్ఖార్ సల్మాన్ నటించిన కాళి సినిమానే అని ఫిలింనగర్ లో టాక్ మాత్రం వినిపిస్తోంది.

ఈ సినిమాకి సంబంధించిన మరిన్ని వివరాలు తెలియాలంటే మరిన్ని రోజులు ఆగాల్సిందే.