తన పవర్ చూపిస్తున్నాడు...!

Posted: 06/09/2016 11:08 AM IST

Pawan kalyan making his movies very fast because

పవర్ స్టార్ పవన్ కళ్యాణ్ ప్రస్తుతం ఎస్ జె సూర్య దర్శకత్వంలో సినిమా చేస్తున్న సంగతి తెలిసిందే. ఈ సినిమాకి ఇప్పటికే శృతిహాసన్ ని హీరోయిన్ గా తీసుకున్న సంగతి తెలిసిందే. అయితే మరో హీరోయిన్ గా మలయాళం భామ బెంగుళూర్ నాట్కాల్ ఫేమ్ పార్వతి మీనన్ ని తీసుకునేందుకు ప్రయత్నాలు చేస్తున్నారు. అయితే, ఈ సినిమా షూటింగ్ లో ఉండగానే పవన్ కళ్యాణ్ మరో సినిమాలో కూడ పాల్గోనున్నాడు. దాసరి నారాయణరావు ప్రొడ్యూసర్ గా నిర్మించే సినిమాలో ఇప్పటికే డేట్స్ ఇచ్చేశాడు పవన్.

ఈ సినిమా నిర్మాణంలో ఉండగానే పివిపి బ్యానర్ లో ఒక సినిమా, బండ్లగణేష్ ప్రొడ్యూసర్ గా మరో సినిమాని కూడ చేసేందుకు ఆలోచిస్తున్నాడట.

ఇలా 2019 ఎన్నికల లోపు సాధ్యమైనన్ని ఎక్కువ సినిమాలు చేయాలని ప్లాన్ చేస్తున్నాడు. ఎందుకంటే, ఈ సినిమాల్లో వచ్చిన డబ్బులతోనే ఎన్నికల్లో ప్రచారానికి దిగనున్నాడట. వచ్చే ఎన్నికల్లో కేవలం ఐదు స్థానాల్లో మాత్రమే పోటీ చేసి గెలవాలని చూస్తున్నాడట జనసేన అధినేత. అయితే, ఆ ఐదు స్థానాలు కూడ ఆంధ్రాలోనే పోటీ చెయ్యాలని, తెలంగాణాలో మాత్రం పోటీ చెయ్యదలచుకోవట్లేదని చెప్తున్నారు రాజకీయ విశ్లేషకులు.

పవన్ కళ్యాణ్ ప్రస్తుతం తన పవర్ ని దాచుకున్నాడని, ఎన్నికల ముందు ఖచ్చితంగా తన పవర్ చూపించి, జనసేన పార్టీ ని పోటీ చేసిన స్థానాల్లో గెలిపిస్తాడని అంతేకానీ, తను పవర్ కోసం ఏమీ చేయట్లేదని చెప్తున్నారు విశ్లేషకులు. అందుకే, ఇప్పుడు వరుసగా సినిమాలను ఒప్పుకుంటున్నాడని, ఇక విరామం లేకుండా సినిమాలు చేసి 2018 నాటికి పూర్తి రాజకీయల్లోకి వస్తాడని పవన్ సన్నిహిత వర్గాల నుంచి సమాచారం తెలుస్తోంది.

- మూర్తి