నాకు తారక్కే నేర్పిస్తున్నాడు..!

Posted: 06/11/2016 11:47 AM IST

టాలీవుడ్ లో యంగ్ టైగర్ ఎన్టీఆర్ జోష్ బాగా పెరిగిపోతోంది. నాన్నకు ప్రేమతో సినిమా దగ్గర్నుంచి ఎన్టీఆర్ ఫాలోయింగ్ బాగా పెరిగిపోయిందని చెప్తున్నారు సినీ పండితులు. మాస్ యాక్షన్ నుంచి ఒక్కసారిగా క్లాస్ యాక్షన్ వైపు టర్న్ తిరిగాడని, ఇప్పుడు మళ్లీ జనతాగ్యారేజ్ సినిమా ద్వారా అటుమాస్ ని, ఇటు ఫ్యామిలీ ఆడియన్స్ ని అలరించనున్నాడని చెప్తున్నారు. అయితే, ప్రస్తుతం ఎన్టీఆర్ జనతాగ్యారేజ్ సినిమా సాంగ్స్ షూటింగ్ లో పాల్గొంటున్న సంగతి తెలిసిందే. ఈ పాటకోసం వేసిన ప్రత్యేకమైన సెట్స్ లో తారక్ తలమునకలైపోయాడు.

ఈపాటలో జూనియర్ ఎన్టీఆర్ సరసన నిత్యామీనన్, సమంతలు స్టెప్పులు వేస్తున్నారు. ఇప్పుడు ఈ సాంగ్ షూటింగ్ జరుగుతున్న నేపథ్యంలో హీరోయిన్ సమంత డ్యాన్స్ చేసేందుకు తెగ ఇబ్బంది పడిపోతోందట. ఎందుకంటే, ఈ అమ్మడు ఫుల్ గా డ్యాన్స్ చేసి చాలాకాలం అయ్యిందని, ప్రాక్టీస్ కూడ పోయిందని తనవల్లే టేక్స్ ఎక్కువైపోతున్నాయని బాధపడుతోందట.

దానికోసం తారక్ ప్రత్యేకంగా సమంతకి డ్యాన్స్ లో మెళకువలు నేర్పిస్తున్నాడని, చక్కని టైమింగ్ ఎలా సింక్ చెయ్యాలో చెప్తున్నాడని అందుకే షూటింగ్ చాలా స్పీడ్ గా అయిపోతుందని చెప్తోంది సమంత.
'అ-ఆ' సినిమా హిట్ తో మంచి ఊపు మీదున్న ఈ అమ్మడు తెలుగులో కేవలం తారక్ తో ఈ సినిమా మాత్రమే చేస్తోంది. తన తర్వాత ప్రొజెక్ట్స్ గురించి ఇంకా చెప్పడం లేదు. ఎందుకంటే త్వరలో పెళ్లిపీటలపై కూర్చుంటోందట.
 
- మూర్తి