ఖాన్ కూతురి సీక్రెట్ ఎంగేజ్ మెంట్?

Posted: 06/20/2016 06:45 PM IST

ప్రముఖ బాలీవుడ్ నటుడు వారసురాలు సినిమా చూపించకుండానే దుకాణం మూసేసిందా? అన్న చర్చ ఇప్పుడు బాలీవుడ్ లో హాట్ హాట్ గా జరుగుతోంది. ప్రముఖ నటుడు సైఫ్ ఆలీఖాన్ కూతురు సారా అలీఖాన్ త్వరలో సినిమాల్లో అడుగుపెట్టబోతుందన్న విషయం తెలిసిందే. ఈ విషయాన్ని ఆమె పిన్ని, సైఫ్ రెండో భార్య కరీనా కపూర్ కూడా నిర్ధారించింది. అయితే గత కొద్దికాలంగా ఆమె ఓ రాజకీయ వేత్త మనవడితో ప్రేమలో ఉందని వార్తలు వినిపిస్తున్నాయి.

అయితే అరంగ్రేటంకి ముందే ఆమె నిశ్ఛితార్ధమైందా? అని బాలీవుడ్ లో ఆసక్తికర చర్చనడుస్తోంది. మరాఠాలో సంచలన విజయం సాధించిన 'సైరాట్' స్క్రీనింగ్ కు సారా అలీఖాన్ తండ్రితో కలిసి హాజరైంది. ఈ సందర్భంగా చేతివేలికి ఎంగేజ్ మెంట్ రింగ్ తో ఆమె మీడియా కంటబడింది. సారా అలీఖాన్ చాలా కాలంగా కేంద్ర మాజీ మంత్రి సుశీల్ కుమార్ షిండే మనవడు వీర్ పహారియా ప్రేమలో ఉందంటూ వార్తలు, ఫోటోలు వెలువడిన సంగతి తెలిసిందే. దీంతో వారిద్దరికీ ఎంగేజ్ మెంట్ జరిగిందా? అని బాలీవుడ్ అనుమానం వ్యక్తం అవుతున్నాయి. వీటిపై సైఫ్ గానీ, కరీనా గానీ ఇప్పటిదాకా స్పందించకపోవటం విశేషం.

భాస్కర్