అఖిల్-శ్రియ బ్రేకఫ్ కు సిల్లీ రీజన్ కారణమా..?

Posted: 04/12/2017 07:19 PM IST

అక్కినేని నటవారసులు జాబితాలో చిన్నవాడు.. నాగార్జున అమల దంపతుల ముద్దులపట్టి.. ఎవరా అంటే చెప్పని వారుండరు. మాటలు కూడా సరిగా రాని వయస్సులో.. బుడిబుడి నడకలు వేస్తున్న ప్రాయంలోనే సిసింద్రి చిత్రం తో నటన అన్నది తమకు వారసత్వంగా సంక్రమించింది కాదు.. తమ రక్తంలోనే వున్నదని రుజువు చేసిన అఖిల్.. తన ప్రేమ విషయంలో మాత్రం వెనక్కు ఎందుకు తగ్గాడు.  నాగచైతన్య కంటే ముందే ఎంగేజ్‌మెంట్ చేసుకుని ఇక కళ్యాణ గడియలు వచ్చేశాయ్ అన్న తరుణంలో.. ఎందుకు తన ప్రేయసి శ్రియా భూపాల్ రెడ్డితో బ్రేకప్ కార్డు పడింది.

అఖిల్-శ్రియా భూపాల్‌ల బంధానికి బ్రేకప్ కార్డ్ పడిందన్న విషయం తెలిసిన వాళ్లు.. మొదట కొంత అందోళన చెందినా.. తరువాత మాత్రం అప్పుడే అఖిల్ కు పెళ్లేంటీ..? అంటూ సమర్థించుకున్నారట.  బ్రేకప్ కు అసలు కారణం ఏమిటన్న విషయమై ఇరు కుటుంబాలు మౌనంగా వున్నాయి. ఐతే అడుగు ముందుకేసిన సోషల్ మీడియా.. మాత్రం కారణం మాకు తెలుసు అంటోంది. అయితే ఇదే కారణం ఎడబాటుకు కారణమయ్యిందా..? అన్న సందేహాలు కూడా వ్యక్తం అవుతున్నాయి.
 
నిశ్చితార్థం కాగానే వెంటనే పెళ్లి చేసుకోవాలని శ్రియా భూపాల్ ఇంటి తరఫు నుంచే ఒత్తిడి అధికమైందట. ఈ నిర్ణయం అఖిల్ కు కొంత ఇరకాటంలో పెట్టిందట. నటుడిగా తన కెరీర్ ను ప్రూప్ చేసుకున్న తరువాత పెళ్లి చేసుకుందామని చెప్పినా.. శ్రియ కుటుంబసభ్యులు వినలేదట. కనీసం రెండో చిత్రం రిలీజ్ అయ్య వరకు అగమన్నా అగలేదట. దీంతో సందిగ్ధంలో పడిన అఖిల్ పెళ్లికి వెనకాడడట. పెళ్లి కూతురు తరఫు వారు ఒప్పుకోకపోవడంతో పెళ్లికి సిద్ధమయ్యాడట.

ఇక పెళ్లికి అంతా రెడీ అంటున్న తరుణంలో కూడా అఖిల్ ఈ విషయాన్ని మళ్లీ శ్రియ కుటుంబసభ్యులకు చెప్పాడట. కెరీర్ మంచి స్టార్ట్ తీసుకుంటే తాము బాగుంటామని కూడా చెప్పిచూశాడట. అంతా అనుకున్నాక.. పెళ్లి రోజు కూడా ఫిక్స్ చేసుకున్నాక పెళ్లిని వాయిదా వేద్దామని నిర్ణయానికి ఎలా వస్తామని, శ్రియ కుటుంబసభ్యులు వాదించడంతో ఇరు కుటుంబాల మధ్య అభిప్రాయబేధాలు పోడచూపి అఖిల్-శ్రియల పెళ్లి ఆగిపోవడానికి కారణమైందని టాక్. అయితే.. ఈ సిల్లీ రీజన్ వారి బ్రేకప్ కు కారణమా అని..? అంటూ ప్రశించేవారు కూడా లేకపోలేరు. ఇక ఈ రూమర్లపై కూడా ఇరు కుటుంబాలు మౌనంగానే వుండటతో అభిమానుల్లో సందేహాలకు తావిస్తుంది.