స్టార్ హీరో బ్రాండ్ వాల్యూ దెబ్బతింటోంది

Posted: 08/24/2017 11:24 AM IST

తన స్టార్ డమ్ ను దేశం మొత్తం వ్యాప్తి చెందించుకున్న ఓ స్టార్ హీరో వ్యవహారం గురించి ఇప్పుడు ఇండస్ట్రీ మొత్తం మాట్లాడుకుంటోంది. ఒకానోక టైంలో వరుస హిట్లతో ఊపు మీద ఉన్న ఆయనకు వరసగా బ్రాండ్లు క్యూ కట్టాయి. ఫ్యాన్సీ అమౌంట్ కే వాటితో డీల్ చేసుకున్న అతడి పరిస్థితి కాలంతోపాటే ఇప్పుడు మరోలా మారిపోయింది.

గత చిత్రం డిజాస్టర్ గా మారిపోయింది. తర్వాతి చిత్రం కూడా మిశ్రమ స్పందనే రాబట్టింది. అయితే బ్రాండ్ల రెమ్యునరేషన్ విషయంలో మాత్రం ఈ సీనియర్ హీరో అస్సలు వెనక్కి తగ్గటం లేదని చెబుతున్నారు. ప్రస్తుతం యువహీరోల హవా కొనసాగుతోంది. తక్కువ రేటుకే వాళ్లు యాడ్లు చేసేందుకు సిద్ధమైపోతున్నారు. అలాంటి టైంలో ఈ స్టార్ హీరోతో తమకు పని లేదని కంపెనీలు అనుకుంటున్నాయి.

అలాంటప్పుడు రెమ్యునరేషన్ విషయంలో కాస్త వెనక్కి తగ్గటం పోయి, మరింత ఎక్కువే డిమాండ్ చేస్తున్నాడంట. దీంతో ఇప్పటికే సగం బ్రాండ్లు ఆయన నుంచి చేజారి పోయినట్లు సమాచారం. ఆ హీరో అత్యాశే ఇప్పుడు పతనానికి దారితీస్తోందని, ఇప్పటికైనా మారితే మంచిదని పలువురు సూచిస్తున్నారు.