నాగ చైతన్యకు అత్తగా శ్రీదేవి?

Posted: 11/20/2017 06:04 PM IST

అక్కినేని ఫ్యామిలీలో హీరోల జోరు ఊపందుకుంది. ఓవైపు నాగ్ వర్మ చిత్రం, నానితో మల్టీస్టారర్, మరోవైపు రెండో తనయుడు అఖిల్ హలో చిత్రాలు చేస్తుండగా.. నాగ చైతన్య చందూ మొండేటితో 'సవ్యసాచి' చేస్తోన్న నాగచైతన్య, మరో వైపున మారుతి దర్శకత్వంలో 'శైలజా రెడ్డి అల్లుడు' చేయడానికి రెడీ అవుతున్నాడు.

అయితే ఈ చిత్రానికి సబంధించి ఓ ఇంట్రెస్టింగ్ అప్ డేట్ అందుతోంది. అత్త పాత్రకి అధిక ప్రాధాన్యత వుంటుందనే విషయం టైటిల్ ను బట్టి తెలిసిపోతోంది. కాబట్టి ఓ సీనియర్ హీరోయిన్ అయితే బావుంటుందని దర్శకుడు మారుతి రమ్యకృష్ణను ముందు సంప్రదించాడంట.అయితే ఏం జరిగిందో తెలీదుగానీ ఇప్పుడు ఉన్నపళంగా శ్రీదేవి పేరు తెరపైకి వచ్చింది.

చైతూకి అత్తగా చేస్తే ఈ ప్రాజెక్టుకు ఒక రేంజ్ లో క్రేజ్ వస్తుందనే టాక్ ఇండస్ట్రీలో వినిపిస్తోంది. శ్రీదేవి ప్రధాన పాత్ర చేసినట్టయితే, తెలుగుతో పాటు తమిళ .. హిందీ భాషల్లో ఈ సినిమాను విడుదల చేసుకోవచ్చునని భావిస్తున్నారట. అయితే దీనిపై అధికారిక ప్రకటన వెలువడాల్సి ఉంది. మరోవైపు కూతురు జాన్వీ డెబ్యూ చిత్రం ధడక్(సైరాట్ రీమేక్) లో శ్రీదేవి ఓ గెస్ట్ రోల్ చేయబోతుందన్న వార్త కూడా బాలీవుడ్ లో హల్ చల్ చేస్తోంది.