అమ్మాయిలూ.. జాగ్రత్త! మీకే హద్దులు చెబుతున్నాడు?

Posted: 05/14/2015 03:50 PM IST

చిన్న వయస్సులోనే ప్రపంచవ్యాప్తంగా టాప్ పాప్ గా ఎదిగిన జస్టిన్ బీబర్.. అమ్మాయిల వ్యవహారంలో కాస్త సంచలనాలే సృష్టిస్తుంటాడు. అంటే.. మనోడు నచ్చితో అమ్మాయితో ప్రేమవ్యవహారాలు నడపడం, వారికి సంబంధించిన విషయాలపై సంచలన కామెంట్లు చేయడం లాంటి అలవాట్లు వున్నాయిలెండి! ఇప్పటికే అమ్మాయిల వ్యవహారాల్లో జోక్యం చేసుకుని ఇతగాడు ఎన్నో ఇబ్బందులను ఎదుర్కొన్నాడు కూడా! అయినా ఈ పాప్ తన కుర్ర అలవాట్లను ప్రదర్శించి మరోసారి వార్తల్లో నిలిచిపోయాడు.

వివరాల్లోకి వెళ్తే.. జస్టిన్ ప్రస్తుతం ఓ కొత్త గర్ల్ ఫ్రెండ్ అన్వేషణలో పడ్డాడు. ఇప్పటికే గోమెజ్, మోడల్ హేలీ బాల్ద్ విన్, టీవీ స్టార్ కెండల్ జెన్నర్ తో ప్రేమాయణం సాగించి తెగతెంపులు చేసుకున్న బీబర్.. ఇక తన జీవితంలోకి వచ్చే గర్ల్ ఫ్రెండ్ నమ్మదగిన వ్యక్తిగా ఉండాలంటున్నాడు. ఈ మేరకు  తన తదుపరి ప్రేయసికి ఉండే లక్షణాల జాబితాను  బీబర్ ప్రకటించాడు. ‘నా గర్ల్ ఫ్రెండ్ నమ్మదగిన వ్యక్తిగా ఉండాలి. నీతి నిజాయితీగా ఉండాలి. అందంగా కూడా ఉండాలి’ అని పేర్కొన్నాడు. అంతేకాదు.. తనను శాసించే భాగస్వామి అయితే అస్సలు అక్కర్లేదని ఖరాఖండీగా తేల్చి చెప్పేశాడు. ఇతడు ఈ విధంగా తన అభిప్రాయాలను వెల్లడించడంపై అమ్మాయిలు కాస్త గుర్రుగా వున్నారని అంటున్నారు.

అమ్మాయిలు చాలావరు నీతినిజాయితీగా వుంటారని.. తమ భర్తలపై శాసించేంత మొండివైఖరి అమ్మాయిల్లో వుండదని అంటున్నట్లుగా తెలుస్తోంది. పైగా.. అబ్బాయిలే అమ్మాయిలపై పొగరుతో శాసిస్తారన్న రివర్స్ పంచ్ లు వేస్తున్నారు. అలాగే.. అబ్బాయిలు నమ్మకంగా, ప్రేమగా వుంటే.. అమ్మాయిలు కూడా అదేవిధంగా ప్రేమను ప్రదర్శిస్తారని చెప్పుకుంటున్నారు. మొత్తానికి బీబర్ తన అభిప్రాయాలు వెల్లడించి, అమ్మాయిల ఆగ్రహానికి గురైనట్లు తెలుస్తోంది.