Posted: 11/05/2012 03:35 PM IST

ట్రాఫిక్ పోలీసులు నల్లరంగు అద్దాలు కలిగిన వాహనాలపై విధించనున్న జరిమానాను నేటి నుంచి (సోమవారం) పెంచారు. కారు, బస్సులు నల్లరంగు అద్దాలతో తనిఖీల్లో పట్ట్టుబడితే రూ.500లు విధించనున్నారు. గత నెల 25 నుంచి ఈ నెల 4వ తేదీ వరకు స్పెషల్ డ్రైవ్ నిర్వహించిన పోలీసులు తనిఖీల్లో పట్టుపడిన వాహనా లకు నామమాత్రపు జరిమానా గా రూ.100 చలానా రాసి వదిలిపెట్టారు. కాగా వాహన దారుల్లో అవగాహన పెరగడం తోపాటు సుప్రీంకోర్టు ఉత్తర్వు లను అమల్లో పెట్టేందుకు నేటి నుంచి ట్రాఫిక్ పోలీసులు జరి మానాతోపాటు తనిఖీలను ముమ్మరం చేయనున్నారు.
       దీనికి సంబంధించి ఇంతకు ముందు ప్రకటించినట్టుగానే ట్రాఫిక్ బాస్ సీవీఆనంద్ దూకుడు పెంచారు. ప్రజల్లో అవగాహన పెరగడంతో 80శాతం మంది ఫిల్మ్ తొలగించారని ఆయన చెప్పారు. హైదరాబాద్ నగరంలో సుమారు 4లక్షల వాహనాలు ఉంటే, వాటిలో 2 లక్షల 50 వేల వాహనాలకు నల్ల ఫిల్మ్ తొలగించారని ట్రాఫిక్ పోలీసలు నిర్ధారించారు. తొమ్మిది రోజుల్లో25,972 కేసులుట్రాఫిక్ పోలీసులు అక్టోబర్ 25వ తేదీ నుంచి 'నలుపు' తనిఖీలు మొదలుపెట్టారు. అప్పటి నుంచి నవంబర్ రెండో తేదీ వరకు నగరంలో 25,972 కేసులు నమోదు చేశారు. వీటిలో ప్రభుత్వ, పోలీసుశాఖకు చెందిన 247 వాహనాలపై జరిమానాల విధించారు. 383 బస్సులు, ట్రక్‌లపై కేసులు రాశారు. ఈ తొమ్మిది రోజుల్లో విధించిన జరిమానాల ప్రకారం పోలీసు శాఖకు సుమారుగా రూ. 25లక్షల 97వేల 200ల ఆదాయం వచ్చిందని అంచనా.     కాగా,  మంత్రులు, ప్రముఖులు, ఎమ్మెల్యేలది ఆదినుంచి ఒకటే పట్టు.. తమకు మినహాయింపు ఇవ్వాలని!. ట్రాఫిక్ బాస్ మాత్రం ఇది కుదరదని , తమ చేతుల్లో ఏమీలేదని కరాఖండిగా చెప్పేస్తున్నారు. అయినా వారంతా పట్టు విడవడంలేదు. దరఖాస్తుల మీద దరఖాస్తులు చేసుకుంటున్నారు. సుప్రీంకోర్టు ఉత్తర్వుల ప్రకారం ఎవరికైనా మినహాయింపు ఇవ్వాలంటే హోం మంత్రి అధ్యక్షతన కూడిన కమిటీ పచ్చజెండా ఊపాలి. ప్రస్తుతం ఆ పరిస్థితి లేదు. దీనికి సంబంధించిన కమిటీ ఇంకా పురుడు పోసుకోలేదు. వీలైనంత త్వరలో కమిటీని ఏర్పాటు చేయాలని సీవీఆనంద్ డీజీపీకి లేఖ రాశారని సమాచారం. కమిటీ ఏర్పాటైన తర్వాత అధికార బలాన్ని ఉపయోగించి మినహాయింపు పొందాలని యత్నించినా అది కుదిరే పనిగా కనిపించడంలేదు. జడ్, జడ్ ప్లస్ కేటగిరిలకు చెందిన వారికే మినహాయింపు ఉంటుందని సుప్రీంకోర్టు స్పష్టం చేసింది. దీని ప్రకారం నలుపు నుంచి మినహాయింపునకు గల కారణాలు తెలియజేయాల్సి ఉంటుంది.

...avnk