Posted: 04/04/2013 07:21 PM IST

గుంటూరు నగరంలో జరిగిన సంపూర్ణ పారిశుధ్యంపై అవగాహన సదస్సుకు జేడీ లక్ష్మినారాయణ ముఖ్య అతిథిగా హాజరయ్యారు. పలు సామాజిక కార్యక్రమాల్లో పాల్గొన్నారు. ఈ సందర్భంగా ఆయన మాట్లాడుతూ నగరం పారిశుధ్యంలో ప్రథమస్థానంలో ఉండాలని జేడీ పేర్కొన్నారు. కులం, మతం పేరుతో ప్రజలు విడిపోతున్నారని, ప్రజలను కలిపితే ఎలాంటి సమస్యలు ఉండవన్నారు. సామాజిక కార్యక్రమాలతో ప్రజల మద్య ఐక్యత సాధించాలని సీబీఐ జేడీ లక్ష్మీనారాయణ పిలుపునిచ్చారు. వైఎస్సార్ కాంగ్రెస్ పార్టీ అధ్యక్షుడు జగన్మోహన్‌రెడ్డి అక్రమాస్తుల కేసు విషయమై న్యాయస్థానాలు చూసుకుంటాయని సీబీఐ జాయింట్ డైరెక్టర్ లక్ష్మినారాయణ అన్నారు. జగన్ అరెస్టు అంశం కోర్టు పరిధిలో ఉందని, ఆస్తుల కేసుపైన విచారణ జరుగుతోందని ఆయన అన్నారు. విచారణ పూర్తి అయిన తర్వాతే చార్జీషీట్ దాఖలు చేస్తామని జేడీ స్పష్టం చేశారు. జగన్ అరెస్ట్ సక్రమమా, అక్రమమా అనేది కోర్టు తేల్చుతుందని అన్నారు. రాజకీయ ఆరోపణలపై తాము స్పందించమన్నారు.