జగన్ కామెంట్-ఎన్నికల్లో బుద్ధి చెబుతాం

Posted: 10/05/2013 07:41 PM IST

రాహుల్ గాంధీని ప్రధానిని చేసేందుకే సోనియాగాంధీ రాష్ట్రాన్ని విభజించారని వైసిపి అధ్యక్షుడు జగన్ విమర్శించారు. ఈరోజు ఆయన జాతీయ మాట్లాడారు. విభజన విషయంలో సోనియా వ్యవహరించిన తీరు బాగోలేదని తెలిపారు. ఓట్లు, సీట్ల కోసం రాష్ట్రాన్ని విభజించడం బాధాకరమన్నారు. సిఎం కు చిత్తశుద్ధి ఉంటే ఎందుకు రాజీనామా చేయలేదని ప్రశ్నించారు. సమైక్యాంధ్ర కోసమే తాను దీక్ష చేస్తున్నానని స్పష్టం చేశారు. టిడిపి అధినేత చంద్రబాబు ఎందుకు దీక్ష చేస్తున్నారో వివరించాలన్నారు. బాబు విభజనకు వ్యతిరేకంగా లేఖ రాస్తే సంతకం చేసేందుకు తాను సిద్ధంగా ఉన్నట్లు తెలిపారు. పార్టీలకతీతంగా అందరూ కలిసి విభజనను ఆపాలని పిలుపునిచ్చారు.

 

ఎన్నికల్లో బుద్ధి చెబుతాం

సమైక్యాంధ్రకు మద్ధతుగా రాజీనామాలు చేయని నేతలకు రానున్న ఎన్నికల్లో బుద్ధి చెబుతామని ఎపిఎన్జీవోల సంఘం అధ్యక్షుడు అశోక్ బాబు తెలిపారు. సమైక్యాంధ్ర కోరుతూ కొంతమంది మాత్రమే రాజీనామాలు చేశారని..మిగిలిన వారు కూడా రాజీనామాలు చేసి, ఆ కాపీని ప్రెస్ కు రిలీజ్ చేయాలని కోరారు. కొందరు రాజీనామాల డ్రామా ఆడుతున్నారని, అలాంటి వారి రాజకీయ జీవితాన్ని సమాధి చేస్తామని హెచ్చరించారు. ఆందోళనల్లో భాగంగా ఉద్యోగ సంఘ నాయకులు దాడులకు పాల్పడవద్దని పిలుపునిచ్చారు. రహదారుల దిగ్భందం, కేంద్ర ప్రభుత్వ కార్యాలయాల మూసివేత మాత్రమే నిర్వహించాలని కోరారు. తాము రాష్ట్రాన్ని సమైక్యంగా ఉంచడానికి మాత్రమే ఆందోళన చేస్తున్నామని, పదవుల కోసం కాదని తెలిపారు.