మహేష్ బ్యాంకులో చోరీ -50 మంది ?

Posted: 11/29/2013 01:53 PM IST

Robbery in mahesh co operative in hyderabad

జంటనగర్లో . దారిదొపిడి, దొంగతనలు శ్రుతిమించిపోతున్నాయి. నగర ప్రజలు భయంతో ఆందోళన చెందుతున్నారు. నడిరోడ్డు పై నడిచి వెళ్లాలంటేనే.. భయపడే రోజులు నగరంలో చోటు చేసుకున్నాయి. పట్టపగలే.. నడి రోడ్డుపై దొంగతనాలు జరుగుతున్నాయి. ఈరోజు హైదరాబాద్ ఏఎస్ రావు నగర్ లోని మహేష్ కో ఆపరేటివ్ బ్యాంకులో భారీ చోరీ జరిగింది. గ్రిల్స్ తొలగించి బ్యాంక్ లోకి చొరబడిన దొంగలు బంగారు ఆభరణాలు, నగదు అపహరించుకు వెళ్లారు.

ఈరోజు ఉదయం బ్యాంకు తెరిచేందుకు వచ్చిన సిబ్బంది షట్టర్ తాళాలు పగులగొట్టి ఉండటంతో పోలీసులకు సమాచారం అందించారు. సమాచారం అందుకున్న పోలీసులు ఘటనా స్థలానికి చేరుకుని బ్యాంకు సిబ్బందిని విచారిస్తున్నారు. సీసీ కెమెరాల్లోని నమోదు అయిన దృశ్యాలను పరిశీలిస్తున్నారు. ఇక మల్కాజ్ గిరి డీసీపీ గ్రేవాల్ సింగ్ సంఘటనా స్థలాన్ని పరిశీలించారు. అయితే ఎంత మొత్తంలో నగదు, ఆభరణాలు చోరీకి గురైన వాటిపై విచారణ జరుపుతున్నారు.

50మంది అరెస్ట్

సికింద్రాబాద్ రైల్వే స్టేషన్ లో ఆర్ పీఎఫ్ ఈరోజు స్పెషల్ డ్రైవ్ నిర్వహించింది. ఈ సందర్బంగా మహిళా బోగీల్లో ఈవ్ టీజింగ్కు పాల్పడుతున్న 50మందిని పోలీసులు అదుపులోకి తీసుకున్నారు. వీరిపై కేసు నమోదు చేసి కోర్టులో హాజరు పరచనున్నారు. లోకల్ రైళ్లలో ప్రయాణించే మహిళలకు భద్రత కరువైంది. నగరంలో ప్రయాణించే మహిళకకు ప్రత్యేకంగా కేటాయించిన బోగీలలోనూ కొంత మంది పురుషులు ఎక్కి దురుసుగా వ్యవహరిస్తున్నారన్న ఫిర్యాదులు వస్తున్న నేపథ్యంలో పోలీసులు ఈ డ్రైవ్ చేపట్టారు.

కాగా తమకు కేటాయించిన ప్రత్యేక బోగీలలో పోలీసులు అందుబాటులో లేకపోవడంతో అత్యవసర సమయాలలో తాము ఎవరికి ఫిర్యాదు చేయాలని నగర మహిళ ప్రయాణికులు ప్రశ్నిస్తున్నారు. అయితే వీరిపై కఠిన చర్యలు తీసుకోవాలని మహిళ సంఘాలు డిమాండ్ చేస్తున్నాయి. రైల్లో ప్రయాణించే మహిళలకు పోలీసుల రక్షణ కావాలని మహిళలు డిమాండ్ చేస్తున్నారు.