Posted: 01/24/2012 07:57 PM IST

అడిలైడ్ టెస్టులో తొలిరోజు ఆస్ట్రేలియా అదరగొట్టింది. రికీ పాంటింగ్ , మైకేల్ క్లార్క్ సెంచరీలతో చెలరేగడంతో భారీస్కోర్ దిశగా సాగుతోంది. టాస్ గెలిచి బ్యాటింగ్ ఎంచుకున్న ఆసీస్ 84 పరుగులకే 3 వికెట్లు కోల్పోయినప్పటకీ పాంటింగ్ , కెప్టెన్ మైకేల్ క్లార్క్ బ్యాటింగ్‌తో అధ్భుతంగా పుంజుకుంది. సిరీస్‌లో మంచి ఫామ్‌లో ఉన్న వీరిద్దరూ భారత్ బౌలర్లను ఓ ఆటాడుకున్నారు. వన్డే తరహాలో దూకుడుగా ఆడుతూ ఇద్దరూ సెంచరీలు పూర్తి చేసుకున్నారు. టెస్టుల్లో పంటర్‌కిది 41 వ సెంచరీ కాగా క్లార్క్‌కు 19వది. అలాగే పాంటింగ్ తన టెస్ట్ కెరీర్‌లో 13 వేల పరుగుల మైలురాయిని అధిగమించాడు. సెంచరీ తర్వాత కూడా వీరి జోరు కొనసాగడంతో ఆసీస్ ఆటముగిసే సమయానికి 3 వికెట్లకు 335 పరుగులు చేసింది. క్లార్క్ 140 , పాంటింగ్ 137 పరుగులతో క్రీజులో ఉన్నారు.