Posted: 08/27/2012 09:37 PM IST

అండర్-19 ప్రపంచకప్‌లో నాలుగో సారి చాంపియన్‌గా నిలవాలనుకున్న ఆసీస్ ఆశలపై నీళ్లు కుమ్మరిస్తూ.. భారత్‌కు చిరస్మరణీయ విజయాన్నందించారు. భారత్ ఖాతాలో మూడో టైటిల్‌ను చేర్చారు. యువ భారత్ తాజా సంచలనం ఉన్ముక్త్ చంద్ (130 బం తుల్లో 7 ఫోర్లు, 6 సిక్స్‌లతో 111 నా టౌట్) హీరోచిత సెంచరీతో చెలరేగడం తో అండర్-19 ప్రపంచకప్‌లో యువ భారత్ చాంపియన్‌గా నిలిచింది. ఆతిథ్య ఆస్ట్రేలియాతో ఆదివారం ఉత్కంఠగా జరిగిన ఫైనల్లో భారత జట్టు ఆరు వికెట్లతో జయభేరి మోగించి మూడోసారి అండర్-19 వరల్డ్ చాంపియన్‌గా నిలిచింది. 2000లో మహ్మద్ కైఫ్, 2008లో విరాట్ కోహ్లీ సారథ్యంలో ప్రపంచ చాంపియన్‌గా నిలిచిన భారత్‌కు ఇప్పుడు ఉన్ముక్త్ చంద్ కెప్టె న్సీ ఇన్నింగ్స్‌తో మూడో టైటిల్‌ను అందించాడు. ఆస్ట్రేలియా నిర్దేశించిన 226 ప రుగుల లక్ష్యాన్ని ఛేదించే క్రమంలో 97 పరుగులకే నాలుగు వికెట్లు కోల్పోయి కష్టాల్లో పడ్డ భారత్‌ను చంద్, వికెట్ కీపర్ స్మిత్ పటేల్ (84 బంతుల్లో 4 ఫోర్లతో 62 నాటౌట్) ఆదుకున్నారు.