Posted: 10/05/2012 10:48 PM IST

ప్రపంచకప్ ట్వంటీ 20లో రెండో సెమీఫైనల్లో నేడు  కొలంబోలోని ప్రేమదాస స్టేడియంలో విస్టిండీస్ తో జరిగన మ్యాచ్ లో ఆస్ట్రేలియా జట్టు 74 పరుగుల తేడాతో  ఘోర పరాజయాన్ని మూటగట్టుకొంది. అంత కు ముందు టాస్ గెలిచిన విండీస్ బ్యాటింగ్ ఎంచుకుంది. ఆది నుంచి ఆచి తూచి ఆడిన వెస్టిండీస్ చెత్త బంతులను బౌండరీలకు తరలిస్తూ స్కోరు బోర్డును ముందుకు తీసుకువెళ్లింది. విండీస్ ఓపెనర్ చార్లెస్(10) పరుగులకే వెనుదిరిగినా, క్రిస్ గేల్ మాత్రం తనదైన శైలిలో విరుచుకుపడ్డాడు. 41 బంతులు ఎదుర్కొన్న గేల్ 6 సిక్స్‌లు, 5 ఫోర్లతో 75 పరుగుల భారీ స్కోర్ చేశాడు.

తరువాత  విండీస్ విసిరిన 206 పరుగుల లక్ష్యాన్ని ఛేదించడానికి బరిలోకి దిగిన ఆసీస్ ఆదిలోనే చేతులెత్తేసింది. వార్నర్ (1) , వాట్సన్ (7), హస్సీ (18), వైట్ (5), డేవిడ్ హస్సీ (0) వరుస వికెట్లు చేజార్చుకుని ఓటమి కొని తెచ్చుకుంది. ఘోర పరాజయాన్ని మూటగట్టుకున్న ఆసీస్ టోర్నీ నుంచి భారంగా నిష్ర్కమించింది. దీంతో విండీస్ తొలిసారి ప్రపంచకప్ ట్వంటీ 20ల్లో ఫైనల్‌కు చేరింది. విండీస్ బౌలర్లలో రామ్‌పాల్‌కు మూడు వికెట్లు లభించగా బద్రీ, పొలార్డ్‌లకు తలో రెండు వికెట్లు , నరైన్, శ్యామ్యూల్స్‌లకు చెరో వికెట్టు లభించింది.