Posted: 12/07/2012 11:08 AM IST

ముప్పై ఏళ్ళ తరువాత భారత్ హాకీలో రికార్డులు స్రుష్టించింది. ఆస్ట్రేలియాలో జరుగుతున్న హాకీ టోర్నమెంట్ చాంపియన్స్ ట్రోఫీ క్వార్టర్ ఫైనల్లో భారత్ తన హవాని కొనసాగించింది. బెల్జియం దేశాన్ని 1-0 తేడాతో మట్టికరిపించి సెమీఫైనల్లోకి దూసుకెళ్లింది. ఈ విజయంతో దాదాపు 30 ఏళ్ల తర్వాత చాంపియన్ ట్రోఫీలో భారత్ పతకం ఖాయం చేసుకోగలిగింది. ఎప్పుడో 1982తరువాత ఇప్పుడు చాంపియన్స్ ట్రోఫీలో కాంస్య పతకాన్ని భారత్ ఖరారు చేసుకున్నట్లైంది. ముఖ్యంగా ఒలింపిక్ పోటీల్లో చివరి స్థానంలో నిలిచిన భారత హాకీ జట్టు స్వల్ప కాలంలో పుంజుకుని చాంపియన్స్ ట్రోఫీ సెమీఫైనల్స్ దూసుకెళ్లి రికార్డు సాధించడం విశేషం. సెమీఫైనల్లో భారత జట్టు ఇంగ్లండ్ లేదా ఆస్ట్రేలియాతో తలపడే అవకాశం ఉంది. తొలి అర్థభాగంలో భారత గోల్ఫర్లలో నితిన్ తిమ్మయ్య గోల్ భారత్‌కు విజయాన్ని సాధించిపెట్టింది.