Posted: 12/27/2012 11:24 AM IST

ఇటీవల బెంగుళూరు చిన్నస్వామి స్టేడియంలో భారత్ - పాకిస్థాన్ జట్ల మధ్య జరిగిన తొలి టి20 మ్యాచ్ లో భారత బౌలర్ ఇషాంత్ శర్మ , పాకిస్థాన్ వికెట్ కీపర్ కమ్రాన్ అక్మల్ మధ్య మాటల యుద్దం జరిగిన విషయం తెలిసిందే. దీని పై విచారణ చేసిన అంతర్జాతీయ క్రికెట్ మండలి (ఐసీసీ) ఇద్దరి ఆటగాళ్ళకు జరిమానా విధించింది. మ్యాచ్ వీడియోను క్షుణ్ణంగా పరిశీలించిన మ్యాచ్ రిఫరీ రోషన్ మహనామా గొడవకు ఆద్యుడు ఇషాంతేనని తేల్చాడు. ఐసిసి నిబంధనావళి ప్రకారం మ్యాచ్ ఫీజులో కమ్రాన్‌కు 5, ఇషాంత్‌కు 15 శాతం చొప్పున కోత పెట్టారు. ఇషాంత్ బౌలింగ్ లో అక్మల్ క్యాచ్ ఇచ్చాడు. అయితే దాన్ని నోబాల్ గా తేల్చిన ఎంపైర్ అక్మల్ నాటౌట్ అని ప్రకటించాడు. దీంతో ఇషాంత్ అక్మల్ లు వాగ్యువాదానికి దిగారు. మైదానం ఆంపైర్లు, భారత ఆటగాళ్ళు జోక్యం చేసుకొని ఇద్దరినీ విడదీశారు.