Posted: 12/30/2012 07:17 PM IST

భారత్ లో జరుగుతున్న ఇండో పాక్ సిరీస్ లో భాగంగా, మూడు వన్డేల సిరీస్ లో ఇవాళ మొదటి వన్డేలో భారత్ పాకిస్థాన్ పై ఓటమి పాలైంది. టాస్ ఓడిపోయి ముందుగా బ్యాటింగ్ చేసిన టీమిండియా నిర్ణీత 50 ఓవర్లలో ఆరు వికెట్లు కోల్పోయి 227 పరుగులు చేసింది. టాప్ ఆర్డర్ కుప్పకూలడంతో కష్టాల్లో పడిన జట్టను ధోని కెప్టెన్ ఇన్నింగ్స్ తో ఆదుకున్నాడు. అజేయ సెంచరీతో గౌరవ ప్రదమైన స్కోరు అందించాడు.  టీమిండియా నిర్దేశించిన 228 పరుగుల విజయ లక్ష్యాన్ని పాక్ 48.1 ఓవర్లలో 4 వికెట్లు కోల్పోయి ఛేదించింది. భారత్ టాప్ ఆర్డర్ బ్యాట్స్ మెన్స్ ఈ రోజు మళ్ళీ ఘోరంగా విఫలం అయ్యారు. గంభీర్ (8), సెహ్వాగ్(4), యువరాజ్(2), రోహిత్ శర్మ(4), కోహ్లి(0) విఫలం కావడంతో 50 పరుగులకే ఐదు వికెట్లు కోల్పోయి కష్టాల్లో ఉన్న భారత్ ని ధోని, అశ్విన్ ఆదుకొని కాస్తంత పరువు నిలుపుకున్నారు. 

ఇక ఆరంభంలో తడబడిన పాక్ ను నాసిర్ జంషెద్, యూసిస్ ఖాన్ గాడిలో పెట్టారు. నాసిర్ జంషెద్ అజేయ సెంచరీ(101)తో రాణించాడు. యూనిస్ ఖాన్ అర్థ సెంచరీ(58) సాధించాడు. షోయబ్ మాలిక్ 34 పరుగులతో జంషెద్ కు జతగా నిలిచాడు. భారత బౌలర్లలో భువనేశ్వర్ కుమార్ రెండు వికెట్లు పడగొట్టాడు. ఇషాంత్ శర్మ, దిండా చెరో వికెట్ దక్కించుకున్నారు. పాకిస్థాన్ బౌలర్లలో జునైద్ ఖాన్ 4 వికెట్టు నేలకూల్చాడు. ఇర్ఫాన్, హఫీజ్ చెరో వికెట్ దక్కించుకున్నారు.. ఈ సిరీస్ పాక్ 1-0 ఆధిక్యంలోకి దూసుకెళ్లింది. ఈ మ్యాచ్ లో కోహ్లీకి గాయం అయింది. దీంతో రెండో వన్డేకి అడుతాడో లేదో చూడాలి.