ధోనికి బిజినెస్ లు ఎన్నో...

Posted: 06/07/2013 11:23 AM IST

భారత క్రికెట్ కెప్టెన్ మహేంద్రసింగ్ ధోని మంచి క్రికెట్ ప్లేయర్ గానే కాకుండా, మంచి బిజినెస్ మెన్ గా కూడా ఎదుగుతున్నాడు. దీనికి సంబంధించిన ఆధారాలు బయటికి రావడంతో అందరు ఒక్కసారిగా షాక్ తిన్నాడు. ఇప్పటికే ధోనికి సంబంధించిన వ్యాపార సంబంధాల పై వివాదం చెలరేగుతున్న విషయం తెలిసిందే. రితీ స్పోర్ట్స్ మార్కెటింగ్ సంస్థలో ఆయన 15 శాతం వాటా ఉన్నట్లు, మరో నలుగురు క్రికెటర్లను ఆ సంస్థ ఎండార్స్ చేస్తుందని, ధోనీ కంపెనీ మేనేజ్ చేసే అటగాళ్లకు ధోని అండదండలు పుష్కలంగా ఉంటాయని, ఫామ్ లేని వాళ్ళను కూడా తన కంపెనీ ఆటగాళ్లే కాబట్టి, ఇందులో అనుచిత ప్రాధాన్యం ఇచ్చే అవకాశం ఉందని కొందరు వ్యాఖ్యానిస్తున్నారు. తాజాగా మరొకటి బయటపడింది. ఆమ్రపాలీ మహి డెవలపర్స్ ప్రయివేట్ లిమిటెడ్ అనే రియల్ ఎస్టేట్ కంపెనీలో తన భార్య సాక్షి పేరున పెట్టుబడులు పెట్టాడు. కార్పొరేట్ మంత్రిత్వ శాఖ వెబ్‌సైట్‌లో ఈ విషయం బయటపడింది. ఆ కంపెనీకి ధోనీ భార్య సాక్షి డైరెక్టర్‌గా ఉంది. అంతేగాక ఇళ్లు కట్టి ఇచ్చే ఆ కంపెనీలో 25 శాతం వాటా కూడా కలిగి ఉంది. తన నిక్ నేమ్ ఉన్న ఈ కంపెనీకి ధోనీ బ్రాండ్ అంబాసిడర్‌గా వ్యవహరిస్తున్నాడు. దీనికి బట్టి చూస్తే ధోనికి ఇంకెన్ని వ్యాపారాలు ఉన్నాయో అనే అనుమానాన్ని వ్యక్తం చేస్తున్నారు.