నేను ఉగ్రవాదిని కాదు

Posted: 08/06/2013 07:51 PM IST

I am a cricketer not a terrorist ajit chandila

స్పాట్ ఫికింగ్స్ కేసులో ఢిల్లీ పోలీసులు తనపై మోకా చట్టం ప్రయోగించడం అ న్యాయమని కళంకిత క్రికెటర్ అజిత్ చండీలా ఆరోపించాడు. తానేమీ ఉగ్రవాదిని కాదని అన్నా డు. ఈ కేసులో తనపై వ్యతిరేకంగా ఎలాంటి ఆధారమూ లేదని చెప్పాడు. ఈ కుంభకోణంలో తను ఎవరినీ సంప్రదించలేదన్నాడు. 'మంచి క్రికెటర్ కావాలన్నదే నా కల. ఓ దురదృష్ట సంఘటనతో అది చెదిరింది. అయితే నేను నిర్దోషిగా బయటపడతాను. ఐపీఎల్‌లో ఎక్కువ డబ్బు వస్తోంది. రాయల్‌గా బతకడంలో తప్పేముంది' అని చండీ లా వ్యాఖ్యానించాడు. ఐపీఎల్-6లో స్పాట్ ఫిక్సింగ్ చేశారన్న ఆరోపణలతో రాజస్థాన్ రాయల్స్ ఆటగాళ్లు శ్రీశాంత్, అంకిత్ చవాన్‌తో పాటు చండీలాను ఢిల్లీ పోలీసులు అరెస్టు చేసిన సంగతి తెలిసిందే. శ్రీశాంత్, చవాన్‌కు ఇప్పటికే బెయిల్‌పై బయటకు రాగా.. చండీలాకు ఇటీవలే రెండ్రోజుల తాత్కాలిక బెయిల్ దక్కింది. ఐపీఎల్ స్పాట్ ఫిక్సింగ్ కేసులో అరెస్టుల సంఖ్య 30కి చేరింది. తాజాగా ఢిల్లీ పోలీసులు జైపూర్‌లో చంద్రేశ్ జైన్ అలియాస్ 'జూపిటర్' అనే బుకీని అరెస్టు చేశారు. జైన్‌ను కోర్టులో హాజరుపర్చిన తర్వాత ఐదు రోజుల పోలీసు కస్టడీకి పంపారు.