ఫ్రెంచ్ ఓపెన్: దూసుకెళ్తున్న పేస్, సానియా

Posted: 05/29/2015 10:30 PM IST

How leander paes became one of india s greatest sports heroes

ఫ్రెంచ్ ఓపెన్ గ్రాండ్స్లామ్లో భారత ఆటగాళ్లు అత్యుత్తమ ప్రతిభను కనబరుస్తున్నారు. నిన్నటి మ్యాచ్ తో అత్యద్భుతంగా 700 మ్యాచ్ లను గెలుచుకున్న క్రీడాకారుడిగా ఘనతను సాధించిన భారత్ స్ఠార్ ఆటగాడు.. వెటరన్ లియాండర్ పేస్ జోడీ ముందంజ వేసింది. శుక్రవారం రోనాల్డ్ గారోస్ లో జరిగిన మ్యాచ్ లో పురుషుల డబుల్స్లో పేస్ జంట మూడో రౌండ్లోకి ప్రవేశించింది. రెండో రౌండ్లో పేస్-డానియల్ నెస్టర్ (కెనడా) 7-6 (7-3) 6-2 స్కోరుతో ఆండ్రీ బెగిమన్ (జర్మనీ)-జులియన్ నొలె (ఆస్ట్రియా) జోడీపై విజయం సాధించారు.

అటు మహిళల డబుల్స్ ఈవెంట్ లో ప్రపంచ నెంబర్ వన్ ర్యాంక్ లో కోనసాగుతున్న సానియా కూడా అద్భుతంగా రాణించింది. తన స్విట్జర్లాండ్ సార్టనర్ మార్టినా హింగిస్ తో కలసి రెండో రౌండు నుంచి మూడో రౌండుకు దూసుకుపోయింది. రెండో రౌండ్ లో అమెరికాకు చెందిన క్రీడాకారిణులు స్టీఫెన్నీ ఫోరెట్జ్- అమెన్ డైన్ హెస్సీ జోడీని 65 నిమిషాలలో 6-3, 6-4తో ఓడించారు. అయితే రెండో రౌండ్ లో ప్రత్యర్థి క్రీడాకారులు ఎక్కడ సానియా జోడికి పోటీని ఇవ్వలేకపోయారు. దీంతో సానియా జోడికి విజయం నల్లేరు మీద నడకలా సాగింది.

జి మనోహర్