సతీసమేతంగా తెరంగ్రేటం చేయనున్న శిఖర్ ధావన్

Posted: 05/22/2015 08:16 PM IST

Nach baliye 7 shikhar dhawan to enter as wild card

క్రికెట్ మైదానంలో బ్యాటుతో విరుచుకుపడి.. ప్రత్యర్థి బౌలర్లను చీల్చిచెండాడి.. భారత్ క్రికెట్ టీమ్ నిజమైన పర్వతంగా వ్యవహరిస్తున్న శిఖర్ ధావన్.. తెరంగ్రేటం చేయబోతున్నారు. నమ్మశక్యం కావడం లేదా..? నిజమేనండి ధావన్ తెరంగ్రేటం ముమ్మాటికీ నిజమే. అయితే 70 ఎం ఎం సిల్వర్ స్ర్కీన్ పై కాకుండా.. బుల్లి తెరలో తెరంగ్రేటం చేయడానికి సిద్దమవుతున్నాడు. అదేంటి ధావన్ తలచుకుంటే.. 70 ఎంఎం చిత్రాలు తీయడానికి ఎందరో సిద్దంగా వుండివుంటారు. మరి అలా కాకుండా బుల్లితెరపై తెరంగ్రేటం చేయడం ఏందుకంటారా..? ఎందుకంటే అయన తన హీరోయిన్ గా తన భార్య అమేషాతో కలసి డాన్స్ అడేందుకు సిద్దమవుతున్నాడు కాబట్టి. ఓహ్ వాట్ యే న్యూస్ అంటారా.. నిజమే తన భార్యతో కలసి ధావన్ నటించడంతో పాటు డాన్స్ కూడా చేయబోతున్నారు.

స్టార్ ప్లస్ సెలబ్రిటీ డాన్స్ రియాలిటీ షో 'నచ్ బలియే 7' వైల్డ్ కార్డ్ ఎంట్రీతో థ్రిల్ చేసేందుకు సమాయత్తమవుతున్నాడు. స్పెషల్ వెల్డ్ కార్డ్ ఎంట్రీతో షోలో పాల్గొనాలని ధావన్, అయేషా దంపతులను సంప్రదించినట్టు షో నిర్వాహకులు వెల్లడించారు. వీరిద్దరూ డాన్స్ చేస్తే అదనపు ఆకర్షణ అవుతుందని పేర్కొన్నారు. 'నచ్ బలియే 7' రియాలిటీ షోను ఏక్తాకపూర్ నిర్మిస్తున్నారు. ఈసారి పోటీదారులందరూ ఒకే ఇంట్లో ఉంటారు. ప్రేక్షకులకు ఓటింగ్ చేసే అవకాశం లేదు. నటి ప్రీతి జింతా, రచయిత చేతన్ భగత్, కొరియోగ్రాఫర్ మార్జి పెస్టోన్జీ న్యాయనిర్ణేతలుగా వ్యవహరిస్తారు. అయితే క్రికెట్ గుడ్ బై చెప్పబోతున్నారా..? అన్న సందేహాలు కలుగుతున్నాయా..? అదేం లేదు. ధావన్ అటు టీమిండియాలో బ్యాట్ ను ఝళిపించడంతో పాటు ఇటు నచ్ బలియే లోనూ తన సత్తాను చాటనున్నారు.

జి. మనోహర్