నోవాక్ ఖాతాలో రెండో వింబుల్డన్

Posted: 07/07/2014 01:12 PM IST

గత కొంత కాలంగా గ్రాండ్ స్లామ్ టైటిళ్లు అస్సలు కలిసి రావడం లేదు నోవాక్ కి. ఈయన ఇటీవల ఆడిన ఆరు గ్రాండ్ స్లామ్ ఫైనళ్ళలో ఐదింట ఓటమి పాలయ్యినా, ఏ మాత్రం నిరాశ చెందకుండా పెదరర్ తో ఆడిన ఆరో ఫైనల్లో ఆయన్ను ధీటుగా ఎదుర్కొని ఎట్టకేలకు తన మూడేళ్ళ గ్రాండ్ స్లామ్ టైటిల్ నిరీక్షణకు తెర దించుకున్నాడు. హోరా హోరీగా జరిగిన ఫైనల్లో ఫెదరర్ ఐదు సెట్లు పోరాడినా విజయం మాత్రం నోవాక్ నే వరించింది. దీంతో ఎనమిదో వింబుల్డన్ టైటిల్ ని గెచ్చుకోవాలని ఆశ పడ్డ పెదరర్ కి ఆశాభంగమే ఎదురైంది.

సెర్చియా ఆటగాడు నోవాక్ జొకోవిచ్, స్విస్ దిగ్గజనం నాలుగో సీడ్ ఆటగాడు అయిన ఫెదరర్ ని 6-7 (7-9) , 6-4, 7-6(7-4), 5-7, 6-4 తో ఓడించి రెండో వింబుల్డన్ టైటిల్ ని తన ఖాతాలో వేసుకున్నాడు. మూడు సంవత్సరాల క్రితం 2011 తొలి వింబుల్డన్ ను నోవాక్ సొంతం అయింది. ఆ తరువా ఇప్పుడు అది సాధ్యం అయింది. 2012 లో చివరి వింబుల్డన్ ఫెదరర్ ఖాతాలో వేసుకున్నాడు. ఈ మ్యాచ్ లో ఫెదరర్ తీవ్రంగా పోరాడాడు. 29 ఏస్ సాధించినా నోవాక్ ని నిలువరించలేక పోయాడు. ఈ విజయంతో నోవాక్ జెకోవిచ్ ప్రపంచ నెంబర్ వన్ ర్యాంకును సొంతం చేసుకున్నాడు.

Knr