బయటపడ్డ సైనా నెహ్వాల్ అసలు రంగు!

Posted: 10/10/2014 02:44 PM IST

Indian badminton star saina nehwal not interested to work with gopichand again

భారత బ్యాడ్మింటన్ క్రీడాకారిణి అయిన సైనా నెహ్వాల ప్రవర్తనలో రోజురోజుకు చాలా మార్పులు కనిపిస్తున్నట్లు వార్తలు వస్తున్నాయి. ఒక అగ్రశ్రేణి క్రీడాకారిణి అయిన సైనా కూడా ఇతరులలాగే మాటలు మారుస్తూ తన వ్యవహారశైలి ఎటువంటిదో నిరూపించుకుంటోందని విశ్లేషకులు చెబుతున్నారు. తాజా పరిణామాల ప్రకారం.. సైనా నెహ్వాల్ అసలు ఎంటో పూర్తిగా బయటపడిందని.. అనతికాలంలోనే ఈ అమ్మడిలో ఇంత మార్పురావడం అందరినీ ఆశ్చర్యానికి గురిచేస్తోందని పేర్కొంటున్నారు.

ఆసియా క్రీడలు ఇంకా జరగకముందే సైనాకు, కోచ్ గోపీచంద్ కు మధ్య కొన్ని విభేదాలు తలెత్తడం వల్ల వారిద్దరూ విడిపోయిన సంగతి తెలిసిందే! దాంతో ఈ అమ్మడు ఆసియా క్రీడలకోసం బెంగుళూరులో కోచ్ విమల్ కుమార్ దగ్గర 15 రోజులవరకు శిక్షణకు వెళ్లింది. ఆ విషయం మీదే ఈ అమ్మడు అప్పట్లో.. కేవలం ఆసియా క్రీడల కోసమే తాను అకాడమీ మారానని.. మళ్లీ గోపీచంద్ అకాడమీకి వస్తానని పేర్కొంది. అయినా ఆసియా క్రీడలు ముగిసి ఇప్పటికే చాలారోజులు గడిచినా.. సైనా మాత్రం ఇంకా బెంగుళూరులోనే శిక్షణ తీసుకుంటుంది. డెన్మార్క్ ఓపెన్ కోసం విమల్ దగ్గరే ఆమె తర్ఫీదు పొందుతోందని సన్నిహిత వర్గాలు తెలుపుతున్నాయి.

అయితే.. గతంలో పేర్కొన్న విధంగా సైనా ఆసియా క్రీడలు ముగిసిన తర్వాత కూడా ఇంకా గోపీచంద్ అకాడమీకి ఇంకా రాకుండా.. బెంగుళూరులోనే శిక్షణ తీసుకోవడం అనేక అనుమానాలకు తావిస్తోంది. ఇకనుంచి ఈ అమ్మడు తన గురువు పుల్లల గోపీచంద్ అకాడమీకి వచ్చే అవకాశాలు కనిపించడంలేదని, అతనికి శాశ్వతంగా గుడ్ బై చెప్పే ఆలోచనల్లో ఆమె వుందని అకాడమీ వర్గాలు అంటున్నాయి. భవిష్యత్తులో వీరిద్దరూ కలిసే దాఖలాలు అస్సలు కనిపించడం లేదని విశ్లేషకులు పేర్కొంటున్నారు.