12 టైటిళ్లు గెలిచిన పంకజ్’కు 14ఏళ్ల బాలుడు షాక్!

Posted: 11/29/2014 11:44 AM IST

స్నూకర్ క్రీడలో ప్రపంచవ్యాప్తంగా ఇప్పటివరకు ఏకంగా 12 టైటిళ్లు గెలిచి తనకంటూ ఒక ప్రత్యేక స్థానాన్ని ఏర్పరుచుకున్న భారత స్టార్ క్యూయిస్ట్ పంకజ్ అడ్వాణీకి ఓ 14ఏళ్ల కుర్రాడు కోలుకోలేని షాకిచ్చాడు. స్నూకర్ గేమ్’లో ఆరితేరిన పంకజ్’నే ఆ బాలుడు తన ప్రతిభతో సునాయాసంగా ఓడించి అందరినీ ఆశ్చర్యంలో ముంచెత్తాడు. 14 ఏళ్ల ప్రాయంలోనే క్రీడారంగంలో అడుగుపెట్టిన సంచలనం సృష్టించిన ఆ బుడతడు.. దిగ్గజ ఆటగాళ్లను ఓడిస్తూ పెను సంచలనం క్రియేట్ చేశాడు.

బెంగుళూరులో జరుగుతున్న ప్రపంచ స్నూకర్ ఛాంపియన్’షిప్’లో పంకజ్ 14 ఏళ్ల చైనా కుర్రాడు యన్ బింగ్’టావో చేతిలో పరాజయం పాలయ్యాడు. మొదటినుంచి అద్భుతంగా ప్రదర్శిస్తూ క్వార్టర్ ఫైనల్లోకి చేరిన పంజక్.. ఆ చైనా కుర్రాడి చేతిలో మాత్రం ఘోరంగా పరాజయం పాలయ్యాడు. బింగ్ టావో 6-4 స్కోరుతో పంకజ్’ను ఓడించాడు. అంతేకాదు.. అతగాడు సెమీస్’లో 7-5 స్కోరుతో థాయ్’లాండ్’కు చెందిన క్రిస్టానట్’ను ఓడించి ఫైనల్లో ప్రవేశించాడు. ఇక ఫైనల్లో ఆ బుడతడు పాకిస్తాన్’కు చెందిన మహ్మద్ సజ్జాద్’తో తలపడనున్నాడు.

AS