పవన్ కల్యాణ్

Posted: 09/19/2014 06:55 PM IST

టాలీవుడ్ పవర్ స్టార్ పవన్ కల్యాణ్ ఇప్పటివరకు తన మాస్ స్టైల్ తోనే ప్రేక్షకులను, అభిమానులను ఉర్రూతలూగించారు. పవన్ నటించిన చిత్రాల్లో ఫ్యామిలీ తరహా సినిమాలు వున్నప్పటికీ.. అందులో ఆయన క్లాస్ కంటే మాస్ స్టైలే ఎక్కువగా కనిపిస్తుంది. అయినా కూడా ప్రేక్షకులు ఆయనలో వున్న ఆ మాస్ క్యారెక్టర్ నే ఎక్కువగా ఇష్టపడతారు. అయితే పవన్ తాజాగా నటిస్తున్న ‘‘గోపాల గోపాల’’ చిత్రంలో మాత్రం మోడ్రన్ కృష్ణుడిగా సరికొత్త అవతారాన్ని ఎత్తబోతున్నాడు. ఈ సినిమాలో పవన్ నటించిన ఏ సన్నివేశాల్లోనూ మాస్ ఎలిమెంట్స్ కనిపించవని.. అందులో ఆయన మునుపటికంటే సరికొత్త అవతారంలో దర్శనమివ్వబోతున్నాడని ఆ చిత్రం యూనిట్ సభ్యులు పేర్కొంటున్నారు.

వెంకటేష్, పవన్ కల్యాణ్ ఇద్దరూ కలిసి నటిస్తున్న ఈ మల్టీస్టారర్ మూవీలో వెంకీ సరసన శ్రియ నటిస్తోంది. ప్రస్తుతం ఈ మూవీ షూటింగ్ రామోజీ ఫిల్మ్ సిటీలో జరుపుకుంటోంది. ఈ సినిమాలో వెంకటేష్ నాస్తికుడిగా కనిపిస్తుండగా.. చిలిపి కృష్ణుడిగా పవన్ కనువిందు చేయనున్నాడు. ఈ సినిమా కథానుసారం.. భూమి మీద ఎన్నో కష్టాలను ఎదుర్కొంటున్న వెంకటేష్ కోసం గోపాలుడి అవతారంలో పవన్ భూమ్మీదకు వస్తాడు. ఇక అక్కడి నుంచి వారిమధ్యే ఈ సినిమా కథ అంతా నడుస్తుంటుంది. సురేష్ పార్థసాని దర్శకత్వం వహిస్తున్న ఈ సినిమాను సురేష్ బాబు, శరత్ కుమార్ సంయుక్తంగా నిర్మిస్తున్నారు.

AS