గోపాలుడై గుళ్ళకు వెళ్తున్నాడు

Posted: 10/10/2014 06:51 PM IST

పవర్ స్టార్ పవన్ కళ్యాణ్ ఒక్కసారిగా భక్తుడిగా మారిపోయాడు. భక్తుడేమిటి భగవంతుడుగా కూడా తయారవుతున్నాడు. అభిమానులకు దేవుడు అయిన పవన్.., ఇప్పుడు శ్రియ, వెంకటేష్ లకు కూడా ఆరాధ్య దైవమయ్యాడు. పవన్ తాజా చిత్రం ‘గోపాల గోపాల’లో పవర్ స్టార్ కృష్ణుడి పాత్ర పోషిస్తున్న విషయం తెలిసిందే. ప్రస్తుతం ఈ సినిమా షూటింగ్ షెడ్యూల్ లో పవన్ బిజిగా ఉన్నాడు. శ్రీకృష్ణుడి వేషం కాబట్టి పాత్రకు తగ్గట్టుగా గుడి సీన్లలో నటించాల్సి ఉంది. ఇందుకోసం ప్రస్తుతం పవన్ దేవాలయాలకు వెళ్తున్నాడట.

శంషాబాద్ సమీపంలోని ఓ ఆలయంలో పవన్ పై సీన్లను షూట్ చేస్తున్నారు. సినిమాలో ఈ సన్నివేశాలు చాలా కీలకమైనవి అని తెలుస్తోంది. పవన్ ఏవిధంగా ప్రత్యక్షం అవుతాడు.., దేవుడిగా ఆయన దర్శనం ఇతర సీన్లను అక్కడ షూట్ చేస్తున్నారట. ఈ విషయం తెలుసుకున్న స్థానికులు కళ్యాణ్ ను చూసేందుకు పెద్ద సంఖ్యలో ఆలయానికి వస్తున్నారు. వెంకటేష్ తో కలిసిన మల్టీ స్టారర్ సినిమా ‘గోపాల గోపాల’ హిందీలో హిట్ అయిన ‘ఓ మై గాఢ్’ ఆధారంగా రూపొందుతోంది. సినిమాలో పవన్ కు శ్రియ పరమ భక్తురాలు కాగా.. వెంకటేష్ ఆమె భర్త. ఇబ్బందుల్లో ఉన్న వెంకీని కాపాడటానికి శ్రియ విజ్ఞప్తిపై పవన్ ప్రత్యక్షం అవుతాడు. కిషోర్ డాలి ఈ సినిమాను డైరెక్ట్ చేస్తుండగా  సురేష్ బాబు, శరత్ మరార్ కలసి నిర్మిస్తున్నారు.

కార్తిక్