సాయి ధరమ్ తేజ్...

Posted: 02/20/2015 05:46 PM IST

మెగాకుటుంబం నుంచి వచ్చిన సాయి ధరమ్ తేజ్.. తన మొదటి చిత్రం ‘పిల్లానువ్వులేని జీవితం’తో సక్సెస్ సాధించిన విషయం తెలిసిందే! దీంతో ఫుల్ జోష్ మీదున్న ఈ హీరో.. అప్పుడే మరో చిత్రానికి గ్రీన్ ఇచ్చేశాడు. ఇంకా టైటిల్ ఖరారు కానీ ఆ చిత్రానికి సంబంధించిన ప్రీ ప్రొడక్షన్ పనులు జరుగుతున్నట్లు తెలుస్తోంది.

ఇదిలావుండగా.. ఈ హీరో నటించిన మొదటి చిత్రం ‘రేయ్’ ఇంకా విడుదల కాలేదన్న సంగతి విదితమే! ప్రముఖ దర్శకనిర్మాత వైవీఎస్ చౌదరి రూపొందించిన ఆ చిత్రాన్ని రూపొందించారు. అయితే.. నిర్మాణ ఖర్చులు తారాస్థాయికి చేరిపోవడంతో చిత్రాన్ని విడుదల చేయలేకపోయారు. తన ఆస్తిపాస్తులను మొత్తం గుమ్మరించి మరీ ఎంతో ప్రతిష్టాత్మకంగా ఆ మూవీకి నిర్మించారు. సాయి ధరమ్ కు తొలిసినిమా కావడంతో అతని లాంచింగ్ అద్భుతంగా వుండాలన్న ఉద్దేశంతో విదేశాల్లో సైతం పలుసార్లు షూటింగ్ చేశారు.

అయితే.. చివరికొచ్చేసరికి ఆ ప్రాజెక్టు ఆర్థిక ఇబ్బందుల్లో పడిపోయింది. ఈ నేపథ్యంలోనే ఫైనాన్స్ సమస్యలు ఎక్కువగా పెరిగిపోవడంతో ఆ మూవీ వాయిదాపడుతూ వచ్చింది. దానిని బయటపడేసేందుకు చౌదరి సాధ్యమైనన్నీ ప్రయత్నాలు ఇప్పటికీ చేస్తూనే వున్నారు. ఆ ప్రయత్నాలకు ఇప్పుడు ఫలితం దక్కినట్లు తెలుస్తోంది. ఆర్థిక ఇబ్బందులు కాస్త తీరడంతో ‘రేయ్’ చిత్రాన్ని విడుదల చేసేందుకు చౌదరి అన్ని ఏర్పాట్లు సిద్ధం చేసుకున్నారు. వచ్చేనెలా 27వ తేదీన రిలీజ్ చేయనున్నారని సమాచారం!