సాయి ధరమ్ తేజ్

Posted: 03/28/2015 05:04 PM IST

Sai dharam tej got huge responce for his acting in rey movie

మెగాఫ్యామిలీ నుంచి వచ్చిన యంగ్ హీరో సాయి ధరమ్ తేజ్.. ఇటీవలే ‘పిల్లా నువ్వులేని జీవితం’ సినిమాతో మంచి విజయం సాధించిన విషయం తెలిసిందే! నిజానికి ఇతను నటించిన తొలిచిత్రం ‘రేయ్’ ముందుగా విడుదల కావాల్సి వుండేది. గత రెండేళ్ల క్రితమే షూటింగ్ ముగించుకున్న ‘రేయ్’.. ఆర్థిక కారణాల వల్ల విడుదలకు నోచుకోలేదు.

ఈ చిత్రాన్ని స్వీయనిర్మాణంలో తెరకెక్కించిన వైవిఎస్ చౌదరి.. సాయి ఎంట్రీ అద్భుతంగా వుండాలన్న ఉద్దేశంతో భారీ బడ్జెట్టు వెచ్చించారు. వివిధ రకాల లొకేషన్స్ లో యాక్షన్ ఎపిసోడ్స్ షూట్ చేశారు. ఈ నేపథ్యంలో బడ్జెట్టు తడిసి మోపెడవడంతో.. దర్శకనిర్మాత దీన్ని విడుదల చేయలేకపోయాడు. అయితే.. ఎన్నో కష్టనష్టాలను, అవాంతరాలను ఎదుర్కొని ఎట్టకేలకు చౌదరి ఈ సినిమాను రిలీజ్ చేశారు.

27-03-2015వ తేదీ విడుదలైన ‘రేయ్’ చిత్రం.. మిశ్రమ స్పందనలు అందుకున్నప్పటికీ సాయి నటనపై అందరూ ప్రశంసల వర్షం కురిపిస్తున్నారు. సినిమా చూసినవారంతా.. సాయి ఫైట్స్, డ్యాన్స్ లు అద్భుతంగా వున్నాయంటూ కితాబిస్తున్నారు. ఈ చిత్రంకోసం సాయి ఎంత కష్టపడ్డాడో తెలుస్తోందని సినీ ప్రముఖులు సైతం అంటున్నారు. దీంతో సాయి చాలా సంతోషంగా వున్నాడు. తన నటనకు ఇంత అనూహ్యంగా స్పందనలు వస్తాయని తాను భావించలేదని అంటున్నాడు ఈ మెగాహీరో!