లండన్ కు పయనమవుతున్న స్టైలిష్ స్టార్

Posted: 04/28/2015 04:04 PM IST

హాట్ హాట్ సమ్మర్ లో ‘సన్నాఫ్ సత్యమూర్తి’గా ప్రేక్షకులకు ముందుకొచ్చిన స్టైలిష్ స్టార్ అల్లు అర్జున్.. ఆ సినిమాతో భారీ విజయాన్ని అందుకోవడంతోపాటు జనాలను థియేటర్లలో చల్లదనాన్ని ఆస్వాదించేలా చేశాడు. దీంతో ఫుల్ ఖుషీగా వున్న బన్నీ.. ఇప్పుడు తను కూడా ఈ వేసవిలో చల్లదనాన్ని ఆస్వాదించడం కోసం లండన్ కి వెళుతున్నట్లు సమాచారం! కుటుంబసభ్యులతో కలిసి అక్కడికి వెళ్తున్న బన్నీ.. కొన్నాళ్లపాటు అక్కడే హాయిగా కాలాన్ని గడపనున్నాడని తెలిసింది. లండన్ లో ఎంజాయ్ చేసిన తర్వాత నూతనోత్సాహంతో దర్శకుడి బోయపాటి శ్రీను దర్శకత్వంలో రూపొందే సినిమా షూటింగ్ లో పాల్గొంటాడని సన్నిహిత వర్గాలు పేర్కొంటున్నాయి.

ఇదిలావుండగా.. ప్రతి సినిమాలోనూ ఏదో ఒక వైవిధ్యాన్ని చూపించే అల్లు అర్జున్.. బోయపాటి దర్శకత్వంలో చేయబోయే సినిమాలోనూ ఇదివరకెన్నడూలేని సరికొత్త గెటప్ ను ట్రై చేస్తున్నాడని ఇండస్ట్రీ వర్గాల సమాచారం! అంతేకాదు.. ఈ చిత్రంకోసం బన్నీ కండలు కూడా పెంచుతున్నాడని తెలిసింది. ఇందుకు సంబంధించి అప్పుడే కసరత్తులు చేస్తున్నాడని అంటున్నారు. ఇక ‘సన్నాఫ్ సత్యమూర్తి’లో చాలా ఫ్రెష్ గా, కొత్త హెయిర్ స్టైల్ లో కనిపించిన బన్నీ.. తదుపరి చిత్రం కోసం వెరైటీ హెయిర్ స్టైల్ ను ప్రయత్నిస్తున్నాడు.

మరోవైపు.. ఇటీవలే బర్త్ డే సందర్భంగా బన్నీ బోయపాటికి సర్ ప్రైజ్ ఇచ్చిన విషయం విదితమే! దీంతో ఫుల్ ఎగ్జైట్ మెంట్ లో వున్న ఈ దర్శకుడు.. బన్నీ సినిమాకోసం పవర్ ఫుల్ స్ర్కిప్ట్ తయారుచేస్తున్నాడని అంటున్నారు. అలాగే.. బన్నీని సరికొత్త యాంగిల్ లో చూపించేందుకు ప్రయత్నాలు ముమ్మరం చేస్తున్నాడని చెప్పుకుంటున్నారు. యాక్షన్ దర్శకుడిగా పేరున్న బోయపాటి.. స్టైలిష్ స్టార్ గా పేరున్న బన్నీ కాంబోలో తెరకెక్కునున్న ఈ మూవీ టాలీవుడ్ లో రికార్డులు సృష్టించడం ఖాయమని చెప్పుకుంటున్నారు.