Posted: 02/13/2013 06:34 PM IST

       క్రిష్ణా జిల్లా మందపాడుకు చెందిన వాలిపల్లి లక్ష్మి (50) ఇరవై ఏళ్ళుగా చీటీపాటలు నిర్వహిస్తోంది. అప్పటి నుంచి నమ్మకంగా చీటీదారులకు సొమ్ము చెల్లిస్తుండటంతో ఆప్రాంత వాసులు నమ్మకంతో రూ.లక్ష, రూ.60వేలు, రూ.50 వేలు, రూ.40 వేలు చీటీలు వేస్తున్నారు. ప్రతి నెల 1, 5, 15, 20, 25 తేదీల్లో ఆయా చీటీ పాటలు నిర్వహిస్తున్న లక్ష్మి ఏడాది కాలంగా పాడుకున్న వారికి సొమ్ము చెల్లింపులో జాప్యం చేస్తుంది. ఒకరికి తెలియకుండా ఒకరికి మాయమాటలు చెబుతూ నాకు ఇల్లు, ఆస్తి ఉన్నాయి... ఇల్లు అమ్మి అయినా మీ సొమ్ము చెల్లిస్తాను మీకేమి పర్వాలేదని ఇంటి గేటుకు ఇల్లు అమ్మబడును అనే బోర్డు పెట్టి భరోసా ఇస్తూ దాటవేస్తోంది. కొంతమంది చీటీలు పాడుకున్న వారు తనకు ఎగ్గొట్టారని సమర్థించుకునే ప్రయత్నం చేసింది. వారి పేర్లు చెబితే తాము వసూలు చేస్తామని బాధితులు చెప్పడంతో దాటవేస్తూ వచ్చింది. దీంతో లక్ష్మి తమను మోసం చేసినట్లు ఆదివారం టూటౌన్ పోలీస్‌స్టేషన్‌లో ఫిర్యాదు చేశారు. గత రెండు రోజులుగా సామగ్రి చేరవేస్తుండటంతో అనుమానం వచ్చి మంగళవారం ఇంటికి వెళ్ళి చూడగా పరారైనట్లు గుర్తించారు. బాధితులంతా ఆమె ఇంటి వద్ద ఆందోళనకు దిగారు. విషయం తెలుసుకున్న పోలీసులు రంగ ప్రవేశం చేసి బాధితులను మం దలించడంతో ఖంగుతిన్నారు. వారి నుంచి ఫిర్యాదు తీసుకున్న పోలీసులు కేసు నమోదు చేసి దర్యాప్తు ప్రారంభించారు.

...avnk