Posted: 04/24/2012 11:28 AM IST

2 జీ స్కామ్ కుంభకోణంలో అరెస్ట్ అయిన మాజీ టెలికాం మంత్రి ఎ. రాజా గత కొన్ని నెలలుగా తీహార్ జైల్లో ఉంటున్న విషయం తెలిసిందే. 2010 నవంబర్ లో అరెస్ట్ అయిన ఇతడు 14 నెలలుగా ఢిల్లీలోని తీహార్ జైల్లో ఉంటున్నారు. గత ఏడాది నుండి దీని పై విచారణ సాగుతూనే ఉంది. ఈ కేసులో అరెస్టు అయివారు  బెయిల్ కోసం ధరఖాస్తు చేసుకున్నారు. కానీ రాజా మాత్రం ఇప్పటి వరకు బెయిల్ కోసం కానీ, పార్లమెంట్ సమావేశాలకు హాజరు అవుతానని కానీ ఒక్కసారి కూడా ధరఖాస్తు చేసుకోలేదు.

బెయిల్‌ పొందాలన్న కోరిక తనకు పెద్దగా లేదని, తనపై ఉన్న ఆరోపణలు నిరాధారమైనవని తేలినప్పుడు నిర్దోషిగానే బయటికి రావాలనుందని ఐఎఎన్‌ఎస్‌ వార్తాసంస్థకు ఇచ్చిన ప్రత్యేక ఇంటర్వ్యూలో చెప్పారు. ‘బెయిల్‌ మీద బయటికి రావడంకన్నా, నిష్కళంకుడిగానే బయటికి రావాలనుకుంటున్నాను’ అని పాటియాలా హౌస్‌ కోర్టులో విచారణ సందర్భంగా ఐఎఎన్‌ఎస్‌కు చెప్పారు.  మరి రాజా నిజాయితీవంతుడా లేక అవినీతి పరుడా అనేది తేలాలంటే ఈ కేసు ఫైనల్ రిజల్ట్ వరకు వేచి చూడాల్సిందే.