Posted: 04/24/2012 11:31 AM IST

ప్రముఖ క్రైస్తవ మత ప్రచారకుడు, ప్రజాశాంతి పార్టీ అధ్యక్షుడు కె.ఎ.పాల్ ఈ మధ్యన వైయస్ పై ఆయన కుమారుడు జగన్ తీవ్ర విమర్శలు చేస్తున్నారు. గతంలో పరోక్షంగా వైయస్ పై వ్యాఖ్యలు చేసిన కే.ఏ. పాల్ ఒంగోలులో జరిగిన సమావేశంలో ప్రత్యక్షంగా దాడికి దిగారు. అంతే కాకుండా వైయస్సార్ కాంగ్రెస్ పార్టీ నేత బాలినేని పై కూడా విరుచుకు పడ్డారు.

"గతంలో నాతో పెట్టుకున్న వాళ్లెవరూ బతికిబట్ట కట్టలేదు. దేవుడి కార్యక్రమాలను అడ్డుకునేందుకు ప్రయత్నించిన వారందరూ ఆయన ఆగ్రహానికి గురయ్యారు. 'నేను శపిస్తే ముక్కలు ముక్కలు అవుతావు. నీ గూండాయిజం, రౌడీ యిజం మానుకో'' తన వైఖరి మార్చుకోకుంటే అదే గతి పడుతుంది''  బాలినేనిని హెచ్చరించారు.  ఒంగోలులో రెండు రోజుల పాటు జరిగిన శాంతి సభలను అడ్డుకునేందుకు బాలినేని తీవ్రంగా కృషి చేశారని ఆయన ఆరోపించారు. ఈ సభలను జరగకుండా చేసేందుకు ఆయన పలువురిని బెదిరించారని పాల్ ధ్వజమెత్తారు. ఏసుక్రీస్తు పేరుతో జరుగుతున్న ఈ సభలను ఆడ్డుకోవాలని చూస్తే ఏం జరుగుతుందో తెలియక ఆయన ఇలా బెదిరింపు చర్యలకు పాల్పడుతున్నారన్నారు. బాలినేని శ్రీనివాసరెడ్డి అక్రమంగా కోట్లాది రూపాయలు కూడబెట్టారని, పేదల భూములను అన్యాక్రాంతం చేశారని ఆయన ఆరోపించారు.