Posted: 04/25/2012 08:03 PM IST

ప్రపంచ దేశాలంటిలో పెద్ద దేశం చైనా. విస్తీర్ణం పరంగా చూసుకున్నా, జనాభా పరంగా చూసుకున్నా చైనా మిగతా దేశాల కంటే పై స్థానంలో ఉంది. అయితే ఏంటని మాత్రం అనుకోకండి. విషయం ఏంటంటే... పూర్వకాలంలో మనదేశంలో కన్యాసులకం ఉండేది. కన్యా సులకం అంటే... పెద్ద వయస్సు మగ వాళ్ళకి వయస్సు చిన్నగా ఉన్న ఆడపిల్లల్ని కట్నం ఇచ్చి మరీ పెళ్ళి చేసేవారు. రాను రాను మన దేశంలో ఆ పద్దతి పోయింది. కానీ ప్రస్తుతం చైనాలో అదే పరిస్థితి నెలకొంది. చైనాలో అమ్మాయిల జనాభా అబ్బాయిల జనాభా కంటే చాలా తక్కువగా ఉండటంతో అక్కడి చైనీయులు పెళ్ళి కుమార్తెలను డబ్బులు ఇచ్చి మరీ కొనుక్కుంటున్నారట. దీంతో అక్కడి పెళ్ళి కుమారులు అప్పులు పాలు అవుతున్నారట. అంతే కాదు గ్రామాల్లో ఉండే అబ్బాయిలకు కూడా భాగానే డిమాండ్ ఉందట.

పోయిన సంవత్సరం సగటున నమోదయిన రేషియో ప్రకారం అబ్బాయిలు 118 మంది పుడితే అమ్మాయిలు వంద మంది మాత్రమే పుట్టారట. 2020 సంవత్సరం వరకు చైనాలో 24 మిలియన్ల మంది పెళ్ళి కావాల్సిన అబ్బాయిలు ఉంటారట. దీనిని బట్టి చూస్తే రానున్న కాలంలో చైనీయులు పాండవుల లాగా భార్యలను పంచుకుంటారని అంచనా వేస్తున్నారు. మరి కొన్ని రోజుల్లో భారత్ లో కూడా ఈ పరిస్థితి ఎదురు కావచ్చేమో...?