Posted: 05/10/2012 09:05 PM IST

ఒక ప్రక్క జగన్ కి అక్రమాస్తుల కేసులో ఉచ్చు బిగుస్తుంటే... మరో ప్రక్క ఆ పార్టీలోకి వలసలు మాత్రం ఆగడం లేదు. ముఖ్యంగా తెలుగు దేశం పార్టీకి చెందిన నాయకులు ఎక్కువగా జగన్ పార్టీలోకి జంప్ అవుతున్నారు. ప్రస్తుత పరిస్థితులను బట్టి చూస్తే జగన్ ఊచలు లెక్కబెట్టే రోజులకు కౌంట్ డౌన్ స్టార్ట్ అయింది. అయినా వివిధ జిల్లాలలోని నాయకులు మాత్రం ఆ పార్టీలోకి భారీగా వలస వెళుతున్నారు.

తాజాగా కృష్ణా జిల్లా తెలుగుదేశం పార్టీ అధ్యక్షుడు, శాసనసభ్యుడు దేవినేని ఉమామహేశ్వర రావు సోదరుడు దేవినేని చంద్రశేఖర రావు వెళ్లనున్నారని తెలుస్తోంది. జగన్ పార్టీలో చేరేందుకు చంద్రశేఖర్ ఆ పార్టీ నేత వైవి సబ్బారెడ్డితో సంప్రదింపులు జరుపుతున్నారని అంటున్నారు. ఈ నెల 24న జగన్ సమక్షంలో ఆ పార్టీ తీర్థం పుచ్చుకోనున్నారని తెలుస్తోంది. దేవినేని ఉమమహేశ్వర రావు గెలుపులో ఆయన తమ్ముడిది కీలక పాత్ర. ఎప్పుడూ అన్నకు అండగా ఉండేవాడని అంటున్నారు. అయితే ఇటీవల తన సోదరుడిని కలిసి తన రాజకీయ భవిష్యత్తుపై చర్చించినట్లుగా ప్రచారం జరుగుతోంది.