Posted: 05/28/2012 06:36 PM IST

అక్రమాస్తుల కేసులో తన కొడుకు వైయస్ జగన్మోహన్ రెడ్డి అన్యాయంగా అరెస్టు చేశారంటూ తన నివాసం అయిన లోటస్ పాండ్ వద్ద నిరహార దీక్షకు దిగిన విజయమ్మ ఎట్టకేలకు తన దీక్షను విరమించ జేశారు. నిన్న రాత్రి దిల్ కుషా వద్ద రోడ్డు పై తన నిరసన తెలిపిన విజయమ్మను పోలీసులు బలవంతంగా తన నివాసానికి తరలించిన విషయం తెలిసిందే. ఈ రోజు ఉదయం ఆమె నిరహార దీక్షకు దిగారు. జగన్ కి 14 రోజుల జ్యుడీషియల్ కస్టడీ విధించడంతో చేసేది ఏమీ లేక తన దీక్షను విరమించారు. . విజయమ్మకు మాజీ ఎమ్మెల్యే కొండా సురేఖ నిమ్మరసం ఇచ్చి దీక్ష విరమింపజేశారు. ఇతర కుటుంబ సభ్యులకు మాజీ ఎమ్మెల్యే శోభానాగిరెడ్డి నమ్మరసం ఇచ్చి దీక్ష విరమింపజేశారు.

ఈ సందర్భంగా మాట్లాడుతూ...  ఉప ఎన్నికల ప్రచారానికి వెళుతున్నట్లు ప్రకటించారు. ప్రజలకు దూరంగా పెట్టడానికే జగన్మోహన రెడ్డిని రిమాండ్ కు పంపారన్నారు. తన ప్రచారానికి మీరందరు సహకరించాలని కోరారు. దీంతో వైయస్సార్ సీపీ నాయకులు కొంత ఊపిరి పీల్చుకున్నారు. మరి విజయమ్మ ప్రచారం విజయానికి బాటలు వేస్తుందో లేదో చూడాలి.