Posted: 08/06/2012 02:07 PM IST

       ప్రత్యేక రాయలసీమ ఏర్పాటు చేయాలని రాయలసీమ పరిరక్షణ సమితి అధ్యక్షుడు బైరెడ్డి రాజశేఖర్ రెడ్డి కర్నూలు జిల్లాలో దీక్ష చేపట్టారు.  శ్రీకృష్ణదేవరాయల విగ్రహానికి క్షీరాభిషేకం చేసిన తర్వాత బైరెట్టి హంద్రీనది తీరంలో దీక్షకు దిగారు. తెలంగాణ రాష్ట్రాన్ని ఏర్పాటు చేస్తే రాయలసీమను కూడా ప్రత్యేక రాష్ట్రంగా ఏర్పాటు చేయాలని డిమాండ్ చేశారు. సమైక్య రాష్ట్రంలో తాము ఎంతో నష్టపోయామని ఇంకా నష్టపోయేందుకు సిద్ధంగా లేమన్నారు. అటు బైరెడ్డి దీక్ష సొంతపార్టీ నేతలను కలవర పరుస్తోంది. ప్రత్యేక ఉద్యమంతో తెలంగాణలో తీవ్రంగా నష్టపోయిన పార్టీకి పూర్వ వైభవం తెచ్చేందుకు టీ టీడీపీ నేతలు ప్రయత్నిస్తుంటే ప్రత్యేక రాయలసీమ డిమాండ్ తో బైరెడ్డి  దీక్షకు దిగడం.. ఆందోళన కలిగిస్తోంది. ఇది పార్టీపై విమర్శలు చేస్తున్న వారికి మరో ఆయుధం వంటిదని టీ టీడీపీ నేతలు ఆగ్రహం వ్యక్తం చేస్తున్నారు. ఈ దీక్ష టీఆర్ఎస్, కాంగ్రెస్ పార్టీలు మండిపడుతున్నాయి.
   తెలంగాణను అడ్డుకునేందుకే చంద్రబాబు బైరెడ్డితో దీక్ష చేయిస్తున్నారని ఆగ్రహం వ్యక్తం చేస్తున్నారు. బైరెడ్డి మాత్రం తాను చేస్తున్న దీక్షను సమర్దించుకుంటున్నారు. తన వెనుక ఎవరూ లేరని చంద్రబాబు చెబితే దీక్ష చేసేంతా చిన్నపిల్లాడిని తానుకాదని చెప్పారు.

...avnk