Posted: 08/27/2012 10:20 AM IST

కుటుంబకలహాల  నేపథ్యంలో  భర్తను  భార్య హత్య చేసిన ఘటన  గుంటూరు జిల్లా  ఈవూరు మండలం  కచ్చర్లలో  చోటుచేసుకుంది.  స్థానికంగా నివసించే బొద్దుల  మల్లయ్య, రామమ్మ దంపతులకు  ఇద్దరు  కూతుళ్లుఉన్నారు.  రెండు రోజుల క్రితం చిన్న కుమార్తె  జ్యోతి  అనుమానాస్పద స్థితిలో  బావిలో పడి మరణించింది.  అయితే  జ్యోతి మరణానికి తండ్రే కారణమని  భావించిన  భార్య మరో కూతురితో  కలిసి  రాత్రి నిద్రిస్తున్న   సమయంలో  మల్లయ్యను కత్తితో  నరికి  చంపేశారు.  ఈ విషయం  స్థానిక ప్రజలను కలవరపెట్టింది. దీనితో పోలీసులు రంగ ప్రవేశం చేసి .. కేసు పైల్ చేసినట్లు తెలుస్తోంది.