Posted: 08/30/2012 11:25 AM IST

హైదరాబాద్‌ పోలీసుల వ్యవహారశైలి వివాదస్పదమవుతోంది. అర్థరాత్రి ఇద్దరు మహిళలను స్టేషన్‌కు పిలిచిన పోలీసులు.. ఓ అమ్మాయిపై అభ్యంతరకర రీతిలో దౌర్జన్యానికి దిగడం విమర్శలు రేకేత్తిస్తోంది. ఓ అసిస్టెంట్‌ పోలీస్‌ కమిషనర్‌ స్థాయి అధికారి అర్థరాత్రి ఏకంగా చెప్పుతో మహిళపై దాడి చేయడంపై తీవ్ర నిరసనలు వెల్లువెత్తుతున్నాయి.ఈమె పేరు షీనా రహమత్‌. ఆరు నెలల నుంచి భర్త తప్పించుకు తిరుగుతున్నాడని పోలీసులను ఆశ్రయించింది. 45తులాల బంగారం తీసుకుని, మరో పెళ్లికి రెడీ అవుతున్నాడని ఆరోపించింది. ఓ ఎయిరిండియా అధికారి తన భర్తను పక్కదారి పట్టిస్తున్నారని తెలిపింది.మరోవైపు షీనా భర్త ఓ ACPని ఆశ్రయించాడు. దీంతో ఈ కేసులోకి ఎంటరయ్యాడు హసంరాజా. అర్థరాత్రి షీనాను, ఆమె ఫ్రెండ్‌ శైలజను పిలిపించాడు. స్టేషన్‌లో తన ఖాకీ క్రౌర్యాన్ని బయటపెట్టాడు.నాలుగు గంటల పాటు నిర్భందించిన అనంతరం అర్థరాత్రి ఒంటి గంట తర్వాత విడిచిపెట్టారు. దీనిపై మీడియా ప్రశ్నించగా.. అసలేమీ జరగలేదంటూ కప్పిపుచ్చే ప్రయ్నతం చేశారు పోలీసులు. పోలీస్‌ అధికారిపై కఠిన చర్యలు తీసుకోవాలని బాధితులు డిమాండ్ చేశారు.