Posted: 09/28/2012 03:51 PM IST

మహ్మద్‌ ప్రవక్తను కించపరుస్తూ తీశారని భావిస్తోన్న ఇన్నొసెన్స్‌ ఆఫ్‌ ముస్లిమ్స్‌ చిత్ర ప్రొడ్యూసర్‌ నకోలాను లాస్‌ఏంజెల్స్‌ పోలీసులు అరెస్ట్‌ చేశారు. కోర్టులో ప్రవేశపెట్టారు. ఆయనకు బెయిల్‌ ఇచ్చేందుకు న్యాయమూర్తి నిరాకరించారు. నకోలాపై గతంలోనూ అనేక నేరారోపణలున్నాయని పోలీసులు తెలిపారు. తమ మనోభావలను దెబ్బతీస్తోన్న ఈ సినిమాను నిషేధించాలంటూ ప్రపంచ వ్యాప్తంగా ముస్లిం సంస్థలు ఆందోళనలు చేపట్టాయి. లిబియాలో అయితే ఏకంగా అమెరికా రాయబార కార్యాలయంపై దాడి జరిపి రాయబారిని కూడా చంపేశారు. పాక్‌ సహా అనేక దేశాల్లో ఆందోళనలు ఇంకా జరుగుతున్నాయి.