Posted: 02/07/2013 07:14 AM IST

ఉస్మానియా యూనివర్శిటీ స్నాతకోత్సవానికి తెలంగాణ ఉద్యమ సెగ తగిలేటట్లు కనిపిస్తుంది. నేడు జరగనున్న ఈ స్నాతకోత్సవానికి మన రాష్ట్ర గవర్నర్ ఈఎస్ఎల్ఎన్ నరసింహన్ ముఖ్యఅతిథిగా పాల్గొనబోతున్నారు. అయితే ఈయన రాకను కొన్ని విద్యార్థి సంఘాలు వ్యతిరేకిస్తున్నాయి. తెలంగాణ అంశం పై కేంద్రానికి తప్పుడు సమాచారం ఇస్తూ, తెలంగాణ ద్రోహిగా మారిన గవర్నర్ ని ఉస్మానియాలో అడుగుపెట్టబోనీయమని విద్యార్థి సంఘాలు అంటున్నాయి. గవర్నర్ని యూనివర్శిటీలోకి రానివ్వరాదని పిడిఎస్ యు పిలుపు ఇచ్చింది. ఒకవేళ వచ్చినా నిరసన కార్యక్రమాలు తెలిపేందుకు విద్యార్థులు సిద్ధం అవుతున్నారు. ఈ నేపథ్యంలో ఉస్మానియాలో టెన్షన్ వాతావరణం నెలకొంది. గవర్నర్ రాకను పురస్కరించుకుని యూనివర్శిటీలో పెద్ద ఎత్తున బలగాలను మొహరించారు. ఇక విద్యార్థుల హాస్టళ్ళ వద్ద పోలీసు బందోబస్తును ఏర్పాటు చేశారు. మొత్తంగా చూస్తే నేడు ఉస్మానియాలో ఘర్షణ వాతావరణం నెలకొనే పరిస్థితులు కనిపిస్తున్నాయి.